Saray Gawgawa 10:33 - Maung A Balita Biblia

³³ Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.”

Maung a Balita Biblia

³³ Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.

Saray Gawgawa 10:33 Iomraidhean Croise

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Probirbio 1:5

Sarayan probirbio nayarian da ya anggan aruman so pakatalus da ray makabat lan totoo, tan nayarian dan iwanwan iray walay aral,

Probirbio 18:15

Say toon maung ya impanolo lawas mampipilalek tan akaparaan a manaral.

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Mateo 18:4

Say toon mampapaabeban singa sayan ogaw, sikatoy sankatageyan ed Panariay tawen.

Mateo 19:30

Balet amayamay iray makakaona natan a naonur, tan amayamay met iray nanaonur natan a makaona.”

Marcos 10:15

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.”

Saray Gawgawa 10:32

Mangibaki kad Jope na mangawit ed sakey a toon manngaray Simon a tatawagen met na Pedro. Mipupundod kinen Simon a managkurtiy katat, a say abung to et walad gilig na dayat.’

Saray Gawgawa 10:34

Insan nampaliwaway Pedro: “Natan ko la atebek ya anggapoy lalabien na Dios.

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

1 CORINTO 3:18

Nepeg ya anggapoy toon tilaan toy sikaton dili. No abaloan na sakey ed sikayo a sikatoy makabat onung ed kakabatan na sankamundoan, nepeg a magmaliw a makulang-kulang, pian magmaliw a petepeteg a makabat.

TAGA GALACIA 4:14

Balet ag yo ak binalaw o impolisay lapud liliknaen na laman ko, anggaman a sakey yan baleg a subok ed sikayo. Inawat yo ak ingen a singa anghil na Dios, tan nagkalalo ni, singa si Cristo Jesus!

Deuteronomio 30:13

Aliwa met a walad basil na dayat. Ag yo la nepeg a tepeten, ‘Siopay ombaliw ed dayat ta iyakar tod sikatayo so ganggan, et pian nayarian tayon dengelen tan onuren?’

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Santiago 1:21

Kanyan ikaindan yo lan amiy marotak a kagagawa, tan amin a maoges ya ogali. Suko kayod Dios tan awat yoy salitan intanem tod puso yo, ta sayan salita so makapangilaban ed sikayo.