Saray Gawgawa 1:7 - Maung A Balita Biblia

⁷ Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Maung a Balita Biblia

⁷ Inmebat si Jesus, Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Saray Gawgawa 1:7 Iomraidhean Croise

Say Libro nen Job 24:1

Akin et ag mangibiig so Makapanyarin-amin a Dios na panaon a panagsintinsia, say agew a pangiter na katunongan ed saray manlilingkur ed sikato?

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Mateo 20:23

Inkuanen Jesus, “Nayarian yon tua so oninum ed kupan inoman ko. Balet andid limak so pampili no siopay onyorung ed nikawanan ko tan diad nikawigik. Para saray angiganaan na Amak ira yan pasen.”

Mateo 24:36

“Balet anggapoy mikabat no kapigay isabi na sayan agew o oras. Ag kabat na saray anghil ed odino say anggan say Anak. Say Ama labat so mikabat.

Marcos 10:40

balet andid limak so pampili no siopay onyorung ed nikawanan tan nikawigik. Onyorung iray angiganaan ed saratan a pasen.”

Marcos 13:32

“Balet anggapoy mikabat no kapigan so isabi na sayan agew o oras. Ag kabat na anggan saray anghil ed tawen, ni say Anak. Say Ama labat so mikabat.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

TAGA-EFESO 1:10

Sayan planoy Dios a sumpalen to no onsabi lay manepeg a panaon et say pangipasakey tod Cristo na amin iray pinalsan walad tawen tan dalin.

Deuteronomio 29:29

“Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

1 Timoteo 6:15

Ompanengneng no asabi lay oras ya ingganay Dios, a sikato labat so masanton Manoley, Ari da ray arari, tan Katawan da ray kakatawan.

2 Timoteo 3:1

Tandaan mo ya! Diad kaonuran iran agew wala ray panaon na kairapan.