Saray Bilang 9:15 - Maung A Balita Biblia

^15-16 Diad agew na impangilira ed Tuldan Ayamay Katawan, sinmabi so lorem tan sinakbungan to. No labi singa apoy imay lorem.

Maung a Balita Biblia

^15-16 Diad agew na impangilira ed Tuldan Ayamay Katawan, sinmabi so lorem tan sinakbungan to. No labi singa apoy imay lorem.

Saray Bilang 9:15 Iomraidhean Croise

Nehemias 9:12

Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Salmo 78:14

No agew inwanwan to ra diad panamegley na lorem, tan no labi diad panamegley na liwawa na apoy.

Exodo 13:21

No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi.

Exodo 13:22

Say lusek a lorem et wala lawas ed bandad arap na saray totoo na agew, say lusek ya apoy no labi.

Exodo 14:24

Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra.

Exodo 40:2

“Diad ononan agew na ononan bulan iliram so Tuldan Ayamay Katawan.

Exodo 40:34

Insan say lorem kinobutan to may Tuldan tan pinano na kagalangan na Katawan.

Exodo 40:35

Lapud saya, si Moises ag makaloob ed dalem na Tulda.

Exodo 40:38

Legan na impanaakar-akar da, anengneng da no agew so lorem ya akakobut ed Tuldan Ayamay Katawan tan anengneng da no labi so apoy a mandarlang ed tagey to.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Saray Bilang 10:34

Kapag onalis iran manlapud sakey a kampo, tarungan ira na lorem na Katawan no agew.

Saray Bilang 14:14

ibaga rad saray totoon manaayam ed sayan dalin so ginawam. Nadngelan la na sarayan totoo a sika, Katawan, et kaolup mi ka, mabatabatar kan nanengneng no ontonda kan ompetek ed sikami, tan wala kad onaan mi ed nengneng na sakey a lusek a lorem no agew tan sakey a lusek ya apoy no labi.

Saray Bilang 17:7

Insan si Moises inyan tod dalem na Tulda ira may amin a baston diad arap na Kaban na Sipanan na Katawan.

1 CORINTO 10:1

Labay kon nunoten yo, agagi, no antoy agawa ed saray lalaki tayo a tinmombuk ed kinen Moises. Tinarungan iran amin na lorem tan binaliw dan amin so Dayat ya Ambalanga.

Deuteronomio 1:33

anta lawas inonaan to kayo a mananap na pasen a pankampoan yo. Pian nanengneng yoy dalanen yo, nanayam ed onaan yo a sakey a lusek ya apoy no labi tan sakey a lusek a lorem no agew.