Saray Bilang 9:14 - Maung A Balita Biblia

¹⁴ “No say sakey a sangkailin manaayam ed kawalaan yo et labay ton silibraan so Paskua, nepeg ton onuren iray amin a bilin tan totontonen. Nampara so ganggan a para sangkaili tan para Israelita.”

Maung a Balita Biblia

¹⁴ No say sakey a sangkailin manaayam ed kawalaan yo et labay ton silibraan so Paskua, nepeg ton onuren iray amin a bilin tan totontonen. Nampara so ganggan a para sangkaili tan para Israelita.

Saray Bilang 9:14 Iomraidhean Croise

Esdras 6:21

Saramay bagat et kinan na amin da ray Israelitan pinmawil tan saray amin a totoon tinondaan day paganon kagagawa na saray arum a totoon manaayam ed saman a dalin tan dinmago ran mangigalang ed Katawan a Dios na Israel.

Exodo 12:43

Say Katawan kuantod kindi Moises tan Aaron, “Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Exodo 12:47

Nepeg a silibraan na amin ya Israelita so sayan pista,

Levitico 19:10

Ag yo totortoren iray atilak a bungay igos kayari yon mamborbor, ni dodokdoken iray napnaplag ed dalin; paolyan yo la ran para saray mairap-bilay odino saray sangkaili. Siak so Katawan a Dios yo.

Levitico 22:25

Ag yo isasaklang a bagat a kakanen so ayep a nanlapud saray sangkaili. Sayan ayep et nibilang a walay deral na laman to kanyan ag nayarin ibagat.

Levitico 24:22

Sayan ganggan et para sikayon amin ya Israelita tan saray sangkailin manaayam ed dalin yo, lapud siak so Katawan a Dios yo.”

Levitico 25:15

Say bili na dalin et nepeg ya itukoy ed karakel na taon a pakapambunga to kasakbayan na ontombuk a Taon na Panangipawil.

Saray Bilang 15:15

Diad amin a panaon ya onsabi, nampara ray totontonen a para sikayo tan saray sangkailin manaayam ed kawalaan yo. Anggapo so pandomaan yo ed arap na Katawan;

Saray Bilang 15:16

anggapo met so pandomaan na saray ganggan tan saray totontonen a nepeg yon onuren tan nepeg dan onuren.

Deuteronomio 29:11

saray bibii, saray anak yo, tan saray sangkailin manaayam ed kawalaan yo a managala ray itotongo tan managasul iray danum yo.

Deuteronomio 31:12

Pantitipon yo ray amin a lalaki, bibii, tan saray ogogaw, tan saray sangkailin manaayam ed saray baley yo, pian narengel dan amin so Ganggan tan naaralan da so ontakot ed Katawan a Dios yo tan matoor dan onuren iray bangat to.