Saray Bilang 8:22 - Maung A Balita Biblia

²² Saray totoo ginawa ray amin ya ingganggan na Katawan ed kinen Moises nipaakar ed saray Levita. Kanyan saray Levita et manepeg la ran mankimey ed Tulda diad panangiwanwan di Aaron tan saray lalakin anak to.

Maung a Balita Biblia

²² Saray totoo ginawa ray amin ya ingganggan na Katawan ed kinen Moises nipaakar ed saray Levita. Kanyan saray Levita et manepeg la ran mankimey ed Tulda diad panangiwanwan di Aaron tan saray lalakin anak to.

Saray Bilang 8:22 Iomraidhean Croise

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Exodo 12:50

Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Saray Bilang 8:15

No ayarim lan alinisan tan nisaklang iray Levita, magmaliw iran manepeg a mankimey ed Tulda.

Saray Bilang 8:21

Saray Levita et nilinisan day sikaran dili tan impesak da ray kawes da, et si Aaron insaklang to ra a nidoma-doman rigalo ed Katawan. Sikato met so anumpal na sirimonya a panlinis ed sikara.

Saray Bilang 8:23

Say Katawan kuantod kinen Moises,