Saray Bilang 8:11 - Maung A Balita Biblia

¹¹ insan si Aaron isaklang tod siak iray Levita a nidoma-doman rigalon nanlapud saray Israelita, ta gawaen day kimey ko.

Maung a Balita Biblia

¹¹ insan si Aaron isaklang tod siak iray Levita a nidoma-doman rigalon nanlapud saray Israelita, ta gawaen day kimey ko.

Saray Bilang 8:11 Iomraidhean Croise

Exodo 29:24

Iyan mo ra yan amin a kakanen ed saray lima nen Aaron tan saray anak to tan paisaklang mo ran sakey a nidoma-doman rigalo ed siak.

Levitico 7:30

Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Levitico 7:34

Say pagew na ayep tan say kawanan a kamanonur ya ulpo to et sakey iran rigalo ya inalay Katawan ed saray Israelita tan inter tod saray papari. Sikato ya so nepeg ya iter na saray Israelita ed saray papari kapigan man a panaon.

Levitico 8:27

Inyan to ra yan amin a kakanen diad saray lima nen Aaron tan diad lima na saramay anak to tan inyapay da a nidoma-doman rigalo ed Katawan.

Levitico 8:29

Insan inala nen Moises so pagew tan inyapay ton sakey a nidoma-doman rigalo ed Katawan. Sikato yay parti a kayaryan nen Moises ed samay karniron inkanad impangonsagra. Ginawa nen Moises so onung na ingganggan na Katawan.

Saray Bilang 6:20

Insan say pari iyapay to ran nidoma-doman rigalo ed Katawan; masanton bagat ira a para pari, a kaaruman ira na pagew tan ulpo na samay karniro ya onung ed ganggan et kayaryan ira na pari. Kayari to ya, samay Nazareo nayarin oninom la na alak.

Deuteronomio 10:8

Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.