Saray Bilang 6:23 - Maung A Balita Biblia

²³ ya ibaga tod kinen Aaron tan saray lalakin anak to ya ikana ray onggendan a balikas diad pamindision dad saray totood Israel:

Maung a Balita Biblia

²³ ya ibaga tod kinen Aaron tan saray lalakin anak to ya ikana ray onggendan a balikas diad pamindision dad saray totood Israel:

Saray Bilang 6:23 Iomraidhean Croise

Genesis 24:60

Insan da inter ed Rebeca so bindision da diad panamegley na sarayan balikas, “Sika, agi, magmaliw ka komun ya ina na libo-libon totoo. Taloen komun na saray kabyangay boleg mo iray siudad na kalaban da.”

Genesis 47:10

Kasakbayan ya inmalis si Jacob binindisionan to may ari, insan la linma.

Genesis 47:7

Insan inyakar nen Jose ed ari so ama to. Si Jacob initdan toy ari na bindision to.

Genesis 48:20

Diad saman ya agew binindisionan to met ira may ogogaw a kuanto, “Ikana na saray Israelita so kangaranan yo diad pamindision da. Ikuanda, ‘Pagmaliwen kayo komun na Dios a singa di Efraim tan Manases.’” Diad onya insaginonur nen Jacob si Manases ed kinen Efraim.

1 Saray Arari 8:55

Diad maksil a bosis kinerew ton bindisionan na Dios iray totoon nandaragop diman. Inkuanto,

1 Saray Awaran 23:13

Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Saray Bilang 6:22

Say Katawan ingganggan toy Moises

Saray Taga Roma 1:7

Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

1 CORINTO 1:3

Itdan kayo komun na Dios ya Ama tayo tan say Katawan tayon Jesu-Cristo na bindision tan kareenan.

Deuteronomio 10:8

Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

Saray Hebreo 7:1

Sayay Melkisedek ari na Salem tan pari na Sankatageyan a Dios. Nen ompapawil si Abraham, kasumpal ton akibakal a pinapatey to ray arari, inabet nen Melkisedek tan binindisionan to.

Saray Hebreo 7:7

Ag napanduaruwaan a say mamindision et matalonggaring nen say bindisionan.

Josue 8:33

Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

2 Juan 1:3

Itdan itayo komun na Dios ya Ama tan si Jesu-Cristo ya Anak na Ama na bindision, panangasi, tan kareenan.