Saray Bilang 6:15 - Maung A Balita Biblia

¹⁵ Mangibagat met na sanbaskit a tinapay ya anggapoy libadura: saray makapal a tinapay ya agawa rad arinan inkames ed larak na oliba tan saray maimpis a tinapay a pinoranisan na larak na oliba. Mangisaklang met ni na saray bagat a trigo tan alak.

Maung a Balita Biblia

¹⁵ Mangibagat met na sanbaskit a tinapay ya anggapoy libadura: saray makapal a tinapay ya agaw a rad arinan inkames ed larak na oliba tan saray maimpis a tinapay a pinoranisan na larak na oliba. Mangisaklang met ni na saray bagat a trigo tan alak.

Saray Bilang 6:15 Iomraidhean Croise

Exodo 29:2

Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Isaias 62:9

Balet sikayo a nantanem tan nanani na bungay trigo, Kanen yoy tinapay tan idayew yoy Katawan. Sikayon nanaasikaso tan namboborbor na ubas Inomen yod saray patio na Timplok so alak.”

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Levitico 2:4

No say ibagat et tinapay a nilutod ornowan, nepeg ya anggapoy libadura to. Nayarin makapal ya inkames ed larak na oliba odino maimpis a pinoranisay larak na oliba.

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Levitico 8:2

“Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”

Saray Bilang 15:10

tan katekep na apatiran litron alak. Makapaliket ed Katawan so balingit na sayan bagat.

Saray Bilang 6:16

Say pari iyapay to ra yan amin ed Katawan tan isaklang to may bagat a para kasalanan tan samay bagat a popoolan.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

1 CORINTO 11:26

Ta kapag kanen yo yan tinapay tan oninom kayod sayan kupa, ipaamta yoy impatey na Katawan anggad ipawil to dia.