Saray Bilang 6:12 - Maung A Balita Biblia

¹² tan isaklang to lamet ed Katawan so panaon to a sakey a Nazareo. Ag nibilang imay imbeneg a panaon to lapud adotakan imay nisaklang a buek to. Mangyakar na sakey taon a kordiro ya isaklang ton bagat a pambayar.

Maung a Balita Biblia

¹² tan isaklang to lamet ed Katawan so panaon to a sakey a Nazareo. Ag nibilang imay imbeneg a panaon to lapud adotakan imay nisaklang a buek to. Mangyakar na sakey taon a kordiro ya isaklang ton bagat a pambayar.

Saray Bilang 6:12 Iomraidhean Croise

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Levitico 14:24

Say pari alaen to may kordiro tan samay larak na oliba tan isaklang ton nidoma-doman rigalo ed Katawan a para pari.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 5:7

No say sakey a too et ag to nayarian so mangibagat na kordiro odino kanding lapud irap na bilay to, mangyakar ed Katawan na duaran palekpek odino duaran malangwer a malapati a pinagkabayar na kasalanan to; say sakey ibagat para kasalanan tan say sakey isaklang a bagat a popoolan.

Saray Bilang 6:11

Say pari isaklang ton bagat a para kasalanan so sakey a manok tan isaklang ton bagat a popoolan so sakey, ta gawaen to so sirimonya na panlinis ed sikato lapud impakadiwit tod bangkay. Diad saman lamlamang ya agew samay too pasimbaloen ton isaklang so buek to,

Saray Bilang 6:13

No say sakey a too et mansamput lay panaon na impangisaklang toy sikaton dili a sakey a Nazareo, gawaen to yan sirimonya. Onla ed lolooban na Tulda

Mateo 24:13

Balet nilaban so toon mansiansia ya anggad kasamputan.

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Santiago 2:10

Ta siopamay mangonur ed amin a ganggan balet et sumlangen toy sakey, sinumlang to lan amin.

2 Juan 1:8

Manalwar kayo, pian ag nabalang so nanlingetan yo, no ag ingen naawat yoy nagnap a tumang yo.