Saray Bilang 5:18 - Maung A Balita Biblia

¹⁸ Buyaken toy buek na samay bii tan iyan tod saray lima to imay bagat ya arina. Samay parid satan ampatoten tod saray lima to imay yaung a nankargay ampait a danum a mangiter na samba.

Maung a Balita Biblia

¹⁸ Buyaken toy buek na samay bii tan iyan tod saray lima to imay bagat ya arina. Samay parid satan ampatoten tod saray lima to imay yaung a nankargay ampait a danum a mangiter na samba.

Saray Bilang 5:18 Iomraidhean Croise

Probirbio 5:4

Balet kayariy pikaloguran mod sikato, kapaitan tan sulit labat so nasagmakan mo.

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Levitico 13:45

Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, “Marotak, marotak!”

Saray Bilang 5:15

Tua man o andi so inap to, iyakar tod pari imay asawa to. Mangawit na nakaukolan a sakey kilon arinan sibada, balet ag to nepeg a patoroan na larak na oliba odino inan na insinso, lapud sakey yan bagat a nanlapud sakey ya asawan lakin manginap, tan insaklang a pamapaway na katwaan.

Saray Bilang 5:17

Mangyan ed yaung a dalin na masanton danum, mangala na dalin ed loob na Tuldan Ayamay Katawan, insan iyan tod samay danum.

Saray Bilang 5:19

Insan samay pari paabubonen to may bii ed samba a salitaen to: “No ag ka akikaloguran, ag ka napasakitan na samban iter na sayan danum.

Saray Bilang 5:22

Onloob komun ed eges mo yan danum, palaragen to, tan pakebeten toy kayaryan mo.” Samay bii onebat, “Onabubon ak; ontan pa komun so gawaen na Katawan.”

1 CORINTO 11:15

Balet pakadayewan na bii so mamparokey na buek, ta onkanan panakbung.

1 CORINTO 11:6

No ag labay na sakey a bii so mampandung, mampakiskis la laingen na olo to. Balet lapud makapabaing ed sakey a bii so mampakatli o mampakiskis na olo to, nepeg a mampandung.

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

1 Samuel 15:32

“Iyakar yo diad siak si Agag ya ari da ray Amalecita,” ganggan nen Samuel. Inmasingger ed sikato si Agag, manggiwgiw ed takot, ta inisisip tod sikaton dili, “Agaylay irap na ompatey!”