Saray Bilang 5:15 - Maung A Balita Biblia

¹⁵ Tua man o andi so inap to, iyakar tod pari imay asawa to. Mangawit na nakaukolan a sakey kilon arinan sibada, balet ag to nepeg a patoroan na larak na oliba odino inan na insinso, lapud sakey yan bagat a nanlapud sakey ya asawan lakin manginap, tan insaklang a pamapaway na katwaan.

Maung a Balita Biblia

¹⁵ Tua man o andi so inap to, iyakar tod pari imay asawa to. Mangawit na nakaukolan a sakey kilon arinan sibada, balet ag to nepeg a patoroan na larak na oliba odino inan na insinso, lapud sakey yan bagat a nanlapud sakey ya asawan lakin manginap, tan insaklang a pamapaway na katwaan.

Saray Bilang 5:15 Iomraidhean Croise

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Ezekiel 21:23

Ag ya sisiaen na saray totood Jerusalem, lapud saray paknaan a ginawa ra. Balet sayan pasakbay et mangipanunot ed sikara na saray kasalanan da tan pasakbayan to ran nadakep ira.

Ezekiel 29:16

Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.”

Oseas 3:2

Kanyan sinaliw ko may asawak na labinliman pilak a kuarta tan anemiran sakon a sibada.

Levitico 1:2

a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Levitico 2:1

No say sakey a too et mangisaklang ed Katawan na bagat a trigo, nepeg to nin gilingen a pagmaliwen ya arina. Patoroan to na larak na oliba tan tapewan to na insinso,

Levitico 5:11

No ag nayarian na sakey a too so mangibagat na duaran palekpek odino duaran malangwer a malapati lapud irap na bilay to, mangyakar na sakey kilon arina a bagat ton para kasalanan. Ag to laukan na larak na oliba odino insinso, lapud bagat a para kasalanan.

Saray Bilang 5:16

Say pari iyakar tod arap na altar imay bii tan diman to panalageyen.

Saray Hebreo 10:3

Ingen, sarayan bagat ipanunot dan tinaon-taon iray kasalanan na totoo.