Saray Bilang 4:5 - Maung A Balita Biblia

⁵ Say Katawan inter to ray onggendan a bilin. No saray Israelita et onalis irad pankampoan da, onloob ed Tulda ira di Aaron tan saray anak ton lalaki, iyabeba ray kurtinad arap na Kaban na Sipanan insan da isakbung ed Kaban.

Maung a Balita Biblia

⁵ Say Katawan inter to ray onggendan a bilin. No saray Israelita et onalis irad pankampoan da, onloob ed Tulda ira di Aaron tan saray anak ton lalaki, iyabeba ray kurtinad arap na Kaban na Sipanan insan da isakbung ed Kaban.

Saray Bilang 4:5 Iomraidhean Croise

1 Saray Awaran 15:15

Sinakbat na saray Levita ed saray tiken imay Kaban na Sipanan, onung na ingganggan na Katawan diad panamegley nen Moises.

1 Saray Awaran 23:26

Anggapo la natan sirin so pankaukolan ya alalsaen na saray Levita so Tuldan Ayamay Katawan tan amin da ray ikakana ed panangigalang.”

2 Saray Awaran 3:14

Nanggawa met so ari na kurtinan para Sankasantosan a Pasen; ginawad pinon linen tan abel iran asul, purpura, tan ambalanga tan binordaan na indengan na saray kirubin.

Exodo 36:35

Nanggawa ra na kurtina a pinon linen. Asul, purpura, tan ambalanga so tinebey to tan binordaan da ra na saray kirubin.

Exodo 40:3

Iyan mod loob to so Kaban na Sipanan a nankarga na Samploran Ganggan tan ibitin mo so kurtina ed arap to.

Exodo 40:5

Iliram ed arap na Kaban na Sipanan so altar a balituk a panagpoolan na insinso tan ibitin mod lolooban na Tulda so kurtina.

Isaias 25:7

Diad saya bigla ton ekalen so lorem na ermen a manatarung ed amin da ray bansa.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Saray Bilang 10:14

tan kapag onalis ira ag da oomaney oksuy da. Agrupo-grupo ran mankurang tan onaan iray walad silong na bandira na olupan ya iwawanwan na tribu nen Juda. Si Naason a lakin anak nen Aminadab so pangulo ra.

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Saray Bilang 4:4

Say kimey da et nipaakar ed saray sankasantosan a bengatla.

Saray Bilang 7:9

Balet ag to initdan na kariton odino baka iray kabyangay boleg nen Coat, ta nepeg dan sakbaten iray masanton bengatla ya aasikasoen da.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Saray Hebreo 10:20

Nilokasan ton para sikatayo so balo tan mabilay a dalan ya ontalus ed biek na kurtina, a salanti say laman to.

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.

1 Samuel 6:19

Pinatey na Katawan so pitomplon lalaki a taga Bet-semes, ta ninengneng day dalem na Kaban na Sipanan. Nanermen iray totoo lapud impamatey na Katawan ed saray dakerakel a totoon kabandaan da.