Saray Bilang 4:15 - Maung A Balita Biblia

¹⁵ No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Maung a Balita Biblia

¹⁵ No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Saray Bilang 4:15 Iomraidhean Croise

2 Samuel 15:24

Kaiba ray pari a si Sadoc. Saray Levita so nanawit na Kaban na Sipanan na Dios. Inggaton da tan ag da inala ya anggad amin a totoon kaiba nen David et akataynan la rad siudad. Wadman met si Abiatar a pari.

2 Samuel 6:13

Nen saray totoon angawit na Kaban na Sipanan et akakotdang iray anemira, pinatonda ra nen David, ta angibagat ed Katawan na sakey a bakan kalakyan tan sakey a pinataban kilaw a baka.

1 Saray Arari 8:3

Nen akapantitipon lan amin iray pangulo, inalsa na saray papari so Kaban na Sipanan,

1 Saray Awaran 15:15

Sinakbat na saray Levita ed saray tiken imay Kaban na Sipanan, onung na ingganggan na Katawan diad panamegley nen Moises.

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

1 Saray Awaran 23:26

Anggapo la natan sirin so pankaukolan ya alalsaen na saray Levita so Tuldan Ayamay Katawan tan amin da ray ikakana ed panangigalang.”

Exodo 19:12

Diad kaliber-liber na palandey mananda kay ketegan ya ag nepeg a labsanan na saray totoo, tan ibagam ed sikara ya ag da kalaben, odino diwiten so palandey. No walay ondiwit ed palandey, sikatoy nepeg a pateyen;

Exodo 19:21

tan say Katawan kuantod sikato, “Akseb ka, ta pasakbayan mo ray totoo ya ag da lalabsanan so ketegan diad idago ran onnengneng ed siak; no onlabsan ira, dakel ed sikaray ompatey.

Exodo 27:7

tan no sakbaten so altar, isolung mod saray liken a nipeket ed saray diking to.

Levitico 16:13

Diman ed arap na Katawan iyan tod ngalab imay insinso, pian say asewek na samay insinso et nasaniban to may sakub na Kaban na Sipanan; ag to nanengneng ed satan imay sakub et ag ompatey.

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Saray Bilang 1:51

Kapag iyalis yoy kampo yo, saray Levita so mangyepas ed Tulda tan sikaray mangilira ed balon pankampoan yo. Likud ed sikara pateyen so siopaman ya onabay ed Tulda.

Saray Bilang 10:21

Insan saray Levitan kabyangay boleg nen Coat so ontombuk a mankurang a sankaawit da ray masanton kagawaan. Kasabi rad pasen a pankampoan da, nipaalagey la may Tulda.

Saray Bilang 18:3

Gawaen da ray kimey da tan kanepegan da para Tulda, balet ag ira nepeg ya onsingger ed saray masanton bengatla a walad dalem na Masanton Pasen odino diad altar. No onsingger ira pateyen ira tan sikayo.

Saray Bilang 3:38

Si Moises tan si Aaron tan saray anak ton lalaki et nepeg a mankampo ra ed bokig diad arap na Tulda. Sikaray makaoley ed amin a kimey a susumpalen ed loob na Masanton Pasen para saray Israelita. Likud ed sikara pateyen so siopaman a manggawa na susumpalen na pari.

Saray Bilang 4:14

Itapew dad saya iray amin a kagawaan ya ikakana ed altar: saray palangganan pananginay ngalab, saray tinidor, saray karyo, tan saray talyasi. Insan da sakbungan na pinon katat tan isolung da ray tiken a panagsakbatan.

Saray Bilang 4:19

iray kabyangan na boleg nen Coat ya ompatey ira diad iyasingger dad sarayan sankasantosan a bengatla. Pian ag ira ompatey, onloob ira di Aaron tan saray lalakin anak to ta itdan da na kimey so balang sakey tan ibaga rad sikato so awiten to.

Saray Bilang 4:20

Balet no onloob ed Tulda iray kabyangay boleg nen Coat, ta nengnengen da, anggan maganggano labat, iray masanton bengatla, ompatey ira.”

Saray Bilang 7:9

Balet ag to initdan na kariton odino baka iray kabyangay boleg nen Coat, ta nepeg dan sakbaten iray masanton bengatla ya aasikasoen da.

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Josue 4:10

Nanalagey ed pegley na Jordan ira may papari anggad asumpal ya amin iray ingganggan na Katawan ya ibaga nen Josue a gawaen na saray totoo. Sikato yay ingganggan nen Moises. Nangganat a binmaliw ira may totoo.

1 Samuel 6:19

Pinatey na Katawan so pitomplon lalaki a taga Bet-semes, ta ninengneng day dalem na Kaban na Sipanan. Nanermen iray totoo lapud impamatey na Katawan ed saray dakerakel a totoon kabandaan da.