Saray Bilang 35:22 - Maung A Balita Biblia

²² “Balet no bilang ag ginagalan napatey na sakey a too so siopaman ya ag to kabosul, lapud impakapangitolak to odino lapud impakatupak to,

Maung a Balita Biblia

²² Balet no bilang ag ginagalan napatey na sakey a too so siopaman ya ag to kabosul, lapud impakapangitolak to odino lapud impakatupak to,

Saray Bilang 35:22 Iomraidhean Croise

Exodo 21:13

Balet no ag to tinalaranan tan ag to ginagalan apatey imay too, nayarian toy ombatik ed sakey a pasen a pilien kon para sikayo.

Saray Bilang 35:11

mamili kayo na saray siudad a salimbengan a nayari ran batikan na toon akapatey, ya ag to ginagala.

Saray Bilang 35:20

“No kabosul na sakey a too so siopaman tan napatey to diad pangitulak to odino panupak tod sikato

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Bilang 35:23

odino lapud andi-nengnengen a pangitupak to na bato et napatey toy sakey a toon ag to ginetman pasakitan tan ag to kalaban,

Deuteronomio 19:5

Bilbilang, walay duaran toon linman mambatang na kiew ed takel, et diad pambabatang na samay sakey et naoyus imay oloy wasay to tan nakna to may sakey, insan inatey, nayarian toy ombatik ed sakey ed saramay siudad tan niyarawid kaatapan.

Josue 20:3

Say toon makapatey ya ag to ginagala nayarin onlad siudad a salimbengan et nibatikan to la so toon labay toy ombawid sikato.

Josue 20:5

No say toon labay toy ombawid sikato et tombuken tod man, saray totood siudad et ag da nepeg ya ipalima ed sikato imay toon sinmalimbeng. Nepeg da ya iyagel ta akapatey na too ya ag to ginagala, aliwan lapud pambosul to.