Saray Bilang 35:19 - Maung A Balita Biblia

¹⁹ Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Maung a Balita Biblia

¹⁹ Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Bilang 35:19 Iomraidhean Croise

Genesis 4:14

Patataynanen mo ak ed dalin tan diad arap mo. Magmaliw ak ya anggapoy abung tan akar-akar diad tapew na dalin, tan pateyen ak na siopaman a makalmod siak.”

2 Samuel 14:11

Inkuanto may bii, “Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko.” Inmebat si David, “Isipan kod mabilay a Katawan ya ag balut nadiwit so anak mo.”

2 Samuel 14:7

Natan balet, kalaban ak na amin a kakanayon ko, tan labay dan ipalimak ed sikara may sakey ya anak ko, pian napatey da lapud pinatey toy agi to. No gawaen da ya, magmaliw ya anggapoy anak ko! Ekalen day samput a kawalaay ilalok, tan paandian day asawak na anak a mangituloy na ngaran to diad tapew na dalin.”

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

2 Samuel 3:30

Kanyan akabawi si Joab tan si agi ton Abisai ed kinen Abner lapud impamatey tod agi ran si Asael diad bakal ed Gabaon.

Saray Bilang 35:12

Diad siudad a batikan na akapatey ag la nayarin tombuken na kanayon na apatey a labay toy onbawi. Ag nepeg a pateyen so toon naakusan amatey no ag ni asalaysay ed arap na karaklan.

Saray Bilang 35:20

“No kabosul na sakey a too so siopaman tan napatey to diad pangitulak to odino panupak tod sikato

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Bilang 35:24

say karaklan et nepeg ya ag da pankasalananen imay toon akapatey tan ag da nepeg a pilaan so toon labay toy ombawi a kanayon to may napatey.

Saray Bilang 35:27

et pinatey na akarumog ed sikaton kanayon na samay apatey to, sayan bales et aliwan kasalanan na impakapatey ed sakey a too.

Deuteronomio 19:12

Saray pangulo na baley to et paawit da, insan da ipalima ed kanayon a makaoley ya ombawid samay impamatey, ta pateyen to.

Deuteronomio 19:6

No saksakey so siudad tan arawdawin tuloy a batikan, nayarin say kanayon a makaoley ya ombawid samay impakapatey naabot to may toon akapatey et, diad petang na olo to, napatey to so toon anggapoy kasalanan. Say katwaan to ag nepeg a pateyen imay toon akapatey ta ag to ginagalan pinatey so toon ag to kalaban.

Josue 20:3

Say toon makapatey ya ag to ginagala nayarin onlad siudad a salimbengan et nibatikan to la so toon labay toy ombawid sikato.

Josue 20:5

No say toon labay toy ombawid sikato et tombuken tod man, saray totood siudad et ag da nepeg ya ipalima ed sikato imay toon sinmalimbeng. Nepeg da ya iyagel ta akapatey na too ya ag to ginagala, aliwan lapud pambosul to.

Saray Huis 8:19

Inkuanen Gedeon, “Agagik ira man, anak ira na dilin inak. Sambaan ko a no ag yo ra komun pinatey, ag ta kayo met pateyen natan.”