Saray Bilang 32:29 - Maung A Balita Biblia

²⁹ “No saray totoo di Gad tan Ruben et baliwen day Jordan ta mibakal ira diad panangipangulo na Katawan tan no diad pananulong da et adakep yo so dalin, iter yon kayaryan da so dalin na Galaad.

Maung a Balita Biblia

²⁹ No saray totoo di Gad tan Ruben et baliwen day Jordan ta mibakal ira diad panangipangulo na Katawan tan no diad pananulong da et adakep yo so dalin, iter yon kayaryan da so dalin na Galaad.

Saray Bilang 32:29 Iomraidhean Croise

Saray Bilang 32:17

Insan kami lad satan sipaparaan a milad saray kapara min Israelita a mibakal tan ipangulo miy ondogpa ya anggad napanayam mi la rad dalin a kayaryanen da. Legan a mibabakal kami, saray kaasawaan tan saray anak mi et makapanayam ira diad saray pinadir a baley ya ag ira sigensigenen na saray totood sayan dalin.

Saray Bilang 32:28

Kanyan si Moises inter to ra yan ganggan ed kindi Eleazar, Josue, tan saray arum a pangulo na Israel:

Saray Bilang 32:30

Balet no ag da baliwen so Jordan tan ag da kayo ibaan a mibakal, nepeg ya awaten da a singa sikayo so betang da ed dalin na Canaan.”

Josue 12:6

Tinalo nen Moises tan saray Israelita ira yan duaran arari. Si Moises ya aripen na Katawan impabetang to ra yan dalin ed saray tribu di Ruben, Gad, tan kapaldua na tribu nen Manases.

Josue 13:11

Sakop to met so Galaad, saray dalin na Gesur tan Maaca, say intiron Palandey na Hermon, tan say intiron dalin na Basan ya anggad Saleca.

Josue 14:3

Impabetang la nen Moises so dalin a nibokig na Jordan ed saray duara tan kapalduan tribu. (Saray kabyangay boleg nen Jose et nagmaliw a duaran tribu: Manases tan Efraim.) Balet si Moises ag to initdan na dalin iray Levita, likud labat ed saray siudad a panayaman da tan saray kaalogan a pampastolan dad saray baka tan saray karniro ra.

Josue 18:7

Balet saray Levita ag ira itdan na betang da ed dalin lapud say betang da et say panlingkur dan papari na Katawan. Say tribu di Gad, Ruben, tan say kapalduay tribu nen Manases et naawat da la so dalin dad bokig na Jordan ya inter ed sikara nen Moises ya aripen na Katawan.”

Josue 22:9

Kanyan sinmempet la ra may totood tribu di Ruben, Gad, tan say kapalduay Manases. Tinaynan da ra may arum a totood Israel diad Silo ed dalin na Canaan, ta onsempet la rad dilin dalin da, say dalin ed Galaad, a sikatoy inala ra onung na ingganggan ed sikara na Katawan diad panamegley nen Moises.

Saray Huis 10:3

Kayari nen Tola sinmalat si Jair a taga Galaad. Impangulo ton duamplo tan duay taon so Israel.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)