Saray Bilang 31:3 - Maung A Balita Biblia

³ Kanyan inkuanen Moises ed saray totoo, “Mamparaan kayon mibakal, pian nayarian yon dogpaan iray taga Madian et nadusa yo ra lapud ginawa ra ed Katawan.

Maung a Balita Biblia

³ Kanyan inkuanen Moises ed saray totoo, Mamparaan kayon mibakal, pian nayarian yon dogpaan iray taga Madian et nadusa yo ra lapud ginawa ra ed Katawan.

Saray Bilang 31:3 Iomraidhean Croise

2 Saray Arari 10:30

Inkuan na Katawan ed kinen Jehu, “Ginawam ed saray kabyangay boleg nen Acab iray bengatlan labay kon nagawa. Kanyan isipan kod sika a manarid Israel iray kabyangay boleg mo ya anggad kumapat a kailalakan.”

2 Saray Arari 9:7

Nepeg mon pateyen so amom ya ari, say lakin anak nen Acab, pian nadusak si Jezebel lapud impanpapatey tod saray propitak tan saray arum ya aripen ko.

Exodo 17:16

Inkuanto, “Iyatagey yoy bandira na Katawan! Say Katawan ituloy toy mibakal a sumpad saray Amalecita ed ando lan ando!”

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Saray Bilang 25:11

“Lapud samay ginawa nen Finees, ag ak la mamapasnuk ed saray totood Israel. Ag to inyabuloy so pangigalang ed dinan man a dios likud ed siak, kanyan ag ko ra dineral ya amin ed pasnuk ko.

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Bilang 31:4

Mangibaki na sanlibon lalakin mibakal so kapag tribu na Israel.”

Saray Huis 5:2

Idayew yoy Katawan! Talagan sipaparaan lan mibakal nen saman iray Israelita; maabuloy ya akibakal iray totoo.

Saray Huis 5:23

“Isamba yoy dalin na Meroz,” kuay anghil na Katawan. “Isamba yo, isamba yo iray manaayam diman. Ag ira sinmabin ontulong ed Katawan, sinmabi ran sondalo a mibakal ed saray kalaban to.”