Saray Bilang 31:16 - Maung A Balita Biblia

¹⁶ Nepeg yon nunoten a saray bibii so inmoonur ed saray bilin nen Balaam tan, diad Peor, inggolo da ray totoo ya onsumpad Katawan. Sikatoy makasengeg a dinmalan so salot ed saray totoo na Katawan.

Maung a Balita Biblia

¹⁶ Nepeg yon nunoten a saray bibii so inmoonur ed saray bilin nen Balaam tan, diad Peor, inggolo da ray totoo ya onsumpad Katawan. Sikatoy makasengeg a dinmalan so salot ed saray totoo na Katawan.

Saray Bilang 31:16 Iomraidhean Croise

Probirbio 23:27

Saray bibiin marotak tan mikakaloguran et aliling day makapatey a patit.

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Saray Bilang 24:14

Inkuanen Balaam ed kinen Balak, “Ompawil ak la natan ed saray dilin totook, balet kasakbayan ya ompikal ak, ibagak ed sika no antoy gawaen da ray Israelita ed saray totoom diad arapen a panaon.”

Saray Bilang 25:18

lapud maoges a ginawa rad sikayo nen pinalikdo da kayo dimad Peor, tan lapud kinen Cozbi a pinatey nen panaon na salot dimad Peor.”

Saray Bilang 31:8

pati saray limaran ari na Madian a di Evi, Rekem, Zur, Hur, tan Reba. Pinatey da met si Balaam a lakin anak nen Beor.

Deuteronomio 4:3

Anengneng yon dili so ginawa na Katawan diad Palandey na Peor. Pinatey toy balang sakey a toon angigalang diman ed Baal,

Josue 22:17

Ag yo ta nanunotan imay kasalanan tayo nen wala tayod Peor, nen say Katawan et dinusa to na salot iray dilin totoo to? Maniirap itayo ni lapud saman a kasalanan tayo. Kulang ta ni man a kasalanan tayo?

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.