Saray Bilang 29:17 - Maung A Balita Biblia

¹⁷ Diad kumadwan agew mangibagat kayo na labinduan kilaw a bakan kalakyan, duaran karniron kalakyan, tan labinapat a sakey taon a kordiron kalakyan; nepeg ya anggapoy deral na laman da.

Maung a Balita Biblia

¹⁷ Diad kumadwan agew mangibagat kayo na labinduan kilaw a bakan kalakyan, duaran karniron kalakyan, tan labinapat a sakey taon a kordiron kalakyan; nepeg ya anggapoy deral na laman da.

Saray Bilang 29:17 Iomraidhean Croise

Saray Salmo 40:6

Ag mo labay iray bagat tan saray saklang; ag mo kekerewen iray bagat a popoolan o saray bagat a para kasalanan. Initdan mo ak ingen na layag a pandengel kod sika,

Saray Salmo 69:31

Lalon panliketan ya na Katawan nen say pangisaklang na baka, nen say pangibagat na bakan kalakyan a matakken la.

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Isaias 1:11

Kuanto, “Say abaloan yo labay ko ray bagat ya itutuloy yon isasaklang ed siak. Andi! Sinmawa ak la ed saray popoolan yon bagat tan saray taba na saray sankaabigan ya ayayep yo. Ag ko la labay so dala da ray bakan kalakyan, saray karniro tan saray kanding.

Oseas 6:6

Say ag mangoman a panangaro yo so labay ko, aliwan saray ibagat yon ayayep. Labay ko nin naamtaan ak na saray totook nen say mangisaklang irad siak na bagat a popoolan.

Levitico 23:36

Pitoy agew a mangisaklang kayod Katawan na saray bagat a popoolan. Diad kumawalon agew mantitipon kayo lamet a mangigalang ed Katawan tan mangisaklang kayo na bagat a popoolan. Sikato yay agew a pangigalang ed Katawan, tan tonda kayod inagew-agew a kimey yo. (

Saray Bilang 29:13

Diad ononan agew na sayan pista mangyapay kayod Katawan na bagat a popoolan a say balingit to et makapaliket ed sikato: labintalon kilaw na bakan kalakyan, duaran karniron kalakyan, tan labinapat a sakey taon a kordiron kalakyan; nepeg ya anggapoy deral na laman da.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Hebreo 8:13

Nen asalitay Dios so nipaakar ed balon sipanan, labay ton ibaga ya anggapo lay kakanaan to may onaan a sipanan; tan asingger lan naandipat so antokaman a dinmaan tan naandian lay kakanaan.