Saray Bilang 29:1 - Maung A Balita Biblia

¹ Diad ononan agew na kumapiton bulan, nepeg a mantitipon kayon mangigalang ed Dios tan ag kayo mankikimey. Diad satan ya agew paknulen iray trumpita.

Maung a Balita Biblia

¹ Diad ononan agew na kumapiton bulan, nepeg a mantitipon kayon mangigalang ed Dios tan ag kayo mankikimey. Diad satan ya agew paknulen iray trumpita.

Saray Bilang 29:1 Iomraidhean Croise

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

Esdras 3:6

Ag ni inggapo na saray totoo so pangipaalagey lamet ed Timplo; anggaman ontan ginapwan da lad ononan agew na kumapiton bulan so mangisaklang ed Katawan na saray bagat a popoolan.

Nehemias 7:73

Nanaayam ed saray baley tan saray siudad na Juda iray amin a totood Israel; saray papari, saray Levita, saray guardiad Timplo, saray tumutogtog tan saray kumakanta, saray amayamay ya ordinarion totoo, tan saray kumikimey ed Timplo.

Nehemias 8:2

Inala nen Esdras insan to inyakar ed nantitiponan na saray totoo—lalaki, bibii, tan ogogaw a nayarian da lay ontalus.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

Saray Salmo 89:15

Agaylay liket da ray totoon mangigagalang ed sika diad panamegley na saray kanta, saray mambibilay onung ed panangasim!

Exodo 23:16

“Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Exodo 34:22

“Silibraan yoy Pista na Panagani no igapo yo lay manani na onaan a bungay trigo yo, tan silibraan yoy Pista na Abung-abung diad samput na taon no borboren yo la ray bungay kakiewan.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Levitico 23:23

Diad ononan agew na kumapiton bulan ngilinan yo so sakey a nidoma-doman agew na panagpainawa, tan mantitipon kayon mangigalang ed Katawan no ontanul iray trumpita.

Levitico 23:7

Diad ononan agew na pista mantitipon kayon mangigalang ed Katawan tan tonda kayod inagew-agew a kimey yo.

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Saray Bilang 28:26

Diad ononan agew na Pistay Panagani, no mangyapay kayod Katawan na bagat a balon trigo nepeg a mantitipon kayon mangigalang ed Dios tan ag kayo mankikimey.

Saray Bilang 29:12

Diad kumalabinliman agew na kumapiton bulan mantitipon kayon mangigalang ed Dios. Silibraan yon pitoy agew yan pista a pamagalang yod Katawan tan ag kayo mankikimey.

Saray Bilang 29:2

Mangisaklang kayod Katawan na bagat a popoolan a say balingit to et makapaliket ed sikato: sakey a kilaw na bakan kalakyan, sakey a karniron kalakyan, tan pitoran sakey taon a kordiron kalakyan; nepeg ya anggapoy deral na laman da.

Saray Bilang 29:35

Diad kumawalon agew mantitipon kayon mangigalang ed Dios tan ag kayo mankikimey.