Saray Bilang 28:15 - Maung A Balita Biblia

¹⁵ Mangisaklang kayo na sakey a kanding a kalakyan ya ibagat a para kasalanan a sikatoy kaaruman na inagew-agew a bagat a popoolan a katekep toy bagat ya alak.

Maung a Balita Biblia

¹⁵ Mangisaklang kayo na sakey a kanding a kalakyan ya ibagat a para kasalanan a sikatoy kaaruman na inagew-agew a bagat a popoolan a katekep toy bagat ya alak.

Saray Bilang 28:15 Iomraidhean Croise

Genesis 37:31

Amatey iray sakey a kanding, tan insawsaw dad dala to so kawes nen Jose.

Levitico 16:15

Kayari to ya, pateyen to may kanding ya ibagat a para saray kasalanan da ray totoo. Awiten to ed Sankasantosan a Pasen so dala to tan iwalsik tod samay sakub, insan diad arap na samay Kaban na Sipanan a singa ginawa tod dala na samay baka.

Levitico 16:16

Diad onya, si Aaron gawaen toy sirimonya na panlinis ed samay Sankasantosan a Pasen lapud inkarotak na saray Israelita tan lapud kasalanan dan amin. Onyay nepeg ton gawaen ed samay Tulda, lapud manalalagey ed pegley na kampo a marotak onung ed ganggan.

Levitico 4:23

tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Saray Bilang 15:24

et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Saray Bilang 28:14

Say manepeg a bagat ya alak et duaran litron alak ya itekep ed kapag sakey a bakan kalakyan, sakey tan kapalduan litro ed kapag sakey a karniron kalakyan, tan sakey a litro ed kapag sakey a kordiro. Sikato ya so totontonen a para bagat a popoolan ya isaklang ed ononan agew na kapag bulan ed intiron taon.

Saray Bilang 28:22

Mangyapay kayo met na sakey a kanding a kalakyan a sikatoy bagat a para kasalanan, et diad onya nagawa so sirimonyan panlinis ed saray totoo.

Saray Bilang 28:3

Saraya so bagat a popoolan ya iyapay yod Katawan: para bagat ya inagew-agew, duaran sakey taon a kordiron kalakyan ya anggapoy deral na laman da.

Saray Bilang 28:30

Mangyapay kayo met na sakey a kanding a kalakyan a sikatoy bagat a para kasalanan, et diad onya nagawa so sirimonyan panlinis ed saray totoo.

Saray Bilang 29:16

Mangyapay kayo met na sakey a kanding a kalakyan a sikatoy ibagat a para kasalanan. Iyapay yo ra ya a kaaruman na inagew-agew a bagat a popoolan a katekep toy bagat a trigo tan say bagat ya alak.

Saray Bilang 29:5

Mangyapay kayo met na sakey a kanding a kalakyan a sikatoy bagat a para kasalanan, et diad onya nagawa so sirimonya a panlinis ed saray totoo.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.