Saray Bilang 28:10 - Maung A Balita Biblia

¹⁰ Sayan bagat a popoolan et isaklang kapag Agew na Panagpainawa tan kaaruman na bagat ya inagew-agew a katekep toy bagat ya alak.

Maung a Balita Biblia

¹⁰ Sayan bagat a popoolan et isaklang kapag Agew na Panagpainawa tan kaaruman na bagat ya inagew-agew a katekep toy bagat ya alak.

Saray Bilang 28:10 Iomraidhean Croise

2 Saray Awaran 2:4

Mamapaalagey ak na timplo tan dia kami mangigalang ed sikato diad pampool mi na insinson agawa rad ambalbalingit iran rikado; dia kami met mangisaklang ya andi-tonda na bagat a tinapay, tan dia met so pangisaklangan mi na saray bagat a popoolan kapag kabwasan tan labi, no Agew na Panagpainawa, no Pistay Balon Bulan, tan no arum iran masanton agew a pamagalang ed Katawan a Dios mi. Ingganggan to ya ed saray Israelita a gawaen dan ando lan ando.

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Isaias 1:13

Andi-kakanaan so mangawit na saray bagat yo. Nanaingungotan ak lad balingit na insinson ibabagat yo. Ag ko la naanosan iray Balon Bulan a Pista yo, saray Agew na Panagpainawa yo, saray masanton panagtipon yo; nagmaliw iran andi-kakanaan lapud saray kasalanan yo.

Saray Bilang 28:23

Isaklang yo ra ya a kaaruman na kinabwasan a bagat a popoolan.

Saray Bilang 28:3

Saraya so bagat a popoolan ya iyapay yod Katawan: para bagat ya inagew-agew, duaran sakey taon a kordiron kalakyan ya anggapoy deral na laman da.

Saray Bilang 28:9

Diad Agew na Panagpainawa mangyapay kayo na duaran sakey taon a kordiron kalakyan ya anggapoy deral na laman da, duaran kilon arina a nikames ed larak na oliba a sikatoy bagat a trigo, tan say bagat ya alak.

Saray Bilang 29:11

Mangyapay kayo met na sakey a kanding a kalakyan a sikatoy bagat a para kasalanan, a kaaruman na kanding a nibagat diad panggawa na sirimonyan panlinis ed saray totoo, tan say inagew-agew a bagat a popoolan a katekep toy bagat a trigo tan say bagat ya alak.

Saray Bilang 29:16

Mangyapay kayo met na sakey a kanding a kalakyan a sikatoy ibagat a para kasalanan. Iyapay yo ra ya a kaaruman na inagew-agew a bagat a popoolan a katekep toy bagat a trigo tan say bagat ya alak.

Saray Bilang 29:6

Isaklang yo ra ya a kaaruman na bagat a popoolan para ononan agew na bulan a katekep toy bagat a trigo tan say inagew-agew a bagat a popoolan a katekep toy bagat a trigo tan say bagat ya alak. Sarayan bagat a popoolan et makapaliket ed Katawan so balingit da.