Saray Bilang 27:3 - Maung A Balita Biblia

³ “Inatey ed kalawakan si ama mi tan anggapoy anak ton laki. Aliwa ran kabyangan na saray mananumbok nen Core a sinmumpa ed Katawan; inatey ira lapud kasalanan dan dili.

Maung a Balita Biblia

³ Inatey ed kalawakan si ama mi tan anggapoy anak ton laki. Aliwa ran kabyangan na saray mananumbok nen Core a sinmumpa ed Katawan; inatey ira lapud kasalanan dan dili.

Saray Bilang 27:3 Iomraidhean Croise

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Saray Bilang 14:35

Isipasipan kon gawaen ya ed sikayo, sikayo ran maoges a totoon nantitipon ya onsumpad siak. Ompatey kayon amin dia ed kalawakan. Siak a Katawan so nansalita.’”

Saray Bilang 16:19

Insan si Core tinipon to ray amin ya Israelita, tan nanalagey iran akaarap ed kindi Moises tan Aaron diad lolooban na Tulda. Kabebekta pinmatnag ed amin a katoowan so kagalangan na Katawan;

Saray Bilang 16:49

Say karakel na saray totoon inatey et labinapat a libo tan piton lasus, andi-bali ni ra may inaatey lapud insumlang nen Core.

Saray Bilang 26:33

Si Zelofehad a lakin anak nen Hefer et anggapoy anak ton laki, balet wala ray bibiin anak to; Mala, Noa, Hogla, Milca, tan Tirza so kangaranan da.

Saray Bilang 27:2

Linma ran nanalagey ed arap di Moises, Eleazar a pari, saray pangulo, tan amin ya Israelita diad lolooban na Tuldan Ayamay Katawan tan inkuanda,

Saray Bilang 27:4

Akin et naandid Israel so ngaran di ama mi lapu labat ya anggapoy anak dan laki? Patawir yo kami pa met a singa saray lalakin kakanayon di ama mi.”

Juan 8:21

Inkuan lamet nen Jesus ed sikara, “Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.”

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

Saray Taga Roma 5:12

Linmoob so kasalanan ed sankamundoan diad panamegley na sakey a too, tan linmoob so patey diad panamegley na kasalanan to. Lapud saya kinmayat so patey ed amin a katoowan, ta nankasalanan iran amin.

Saray Taga Roma 5:21

Kanyan no say kasalanan et nanoley diad panamegley na patey, ontan met a manoley so baleg a panangaroy Dios diad panamegley na pakapaandi na kasalanan, pian nagamuran tayoy bilay ya andi-anggaan diad panamegley nen Jesu-Cristo a Katawan tayo.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.