Saray Bilang 27:21 - Maung A Balita Biblia

²¹ Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Maung a Balita Biblia

²¹ Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.

Saray Bilang 27:21 Iomraidhean Croise

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Esdras 2:63

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.

Nehemias 7:65

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Urim tan Tummim.

Exodo 28:30

Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Levitico 8:8

Insolung tod sikato so apis na pagew tan inyan to dia so Urim tan Tummim.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Bilang 27:17

tan nayarian ton ipangulo rad bakal, pian say olup na totoom et ag ira magmaliw a singa saray karniron anggapoy pastol da.”

Saray Bilang 27:2

Linma ran nanalagey ed arap di Moises, Eleazar a pari, saray pangulo, tan amin ya Israelita diad lolooban na Tuldan Ayamay Katawan tan inkuanda,

Saray Bilang 27:20

Iter mod sikato so arum a pakaoley mo, et onuren na amin a totood Israel.

Saray Bilang 27:22

Ginawa nen Moises so ingganggan ed sikato na Katawan. Impanalagey toy Josue ed arap nen Eleazar a pari tan saray amin ya Israelita.

Saray Bilang 27:5

Sayan kerew da et inyapireng nen Moises ed Katawan,

Deuteronomio 31:3

Say Katawan a Dios yo et manayam ed onaan yo tan deralen to ray bansan manaayam diman, pian napanayaman yo so dalin; et si Josue so pangulo yo onung na imbaga na Katawan.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Josue 9:14

Saray lalakid Israel angawat iray pigaran kakanen a nanlapud saramay taga Gabaon, balet ag da la ya impanon ed Katawan.

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

1 Samuel 14:19

Legan a mitotongtong si Saul ed samay pari, lalon onloloor so gewgew ed kampo da ray Filisteo, kanyan inkuanen Saul ed samay pari, “Anggapo lay panaon na pangipanon ed Katawan!”

1 Samuel 23:9

Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

1 Samuel 30:7

Inkuanen David ed kinen Abiatar a pari tan lakin anak nen Ahimelec, “Iyakar mo dia may ipod,” et inyakar nen Abiatar ed sikato.