Saray Bilang 26:65 - Maung A Balita Biblia

⁶⁵ Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Maung a Balita Biblia

⁶⁵ Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Saray Bilang 26:65 Iomraidhean Croise

Saray Salmo 37:9

Nakayaryan na saray manmamatalek ed Katawan so dalin balet napagit iray totoon maoges.

Exodo 12:37

Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Saray Bilang 14:26

Say Katawan kuantod kindi Moises tan Aaron,

Saray Bilang 14:32

Ompatey kayo dia ed kalawakan.

Saray Bilang 14:35

Isipasipan kon gawaen ya ed sikayo, sikayo ran maoges a totoon nantitipon ya onsumpad siak. Ompatey kayon amin dia ed kalawakan. Siak a Katawan so nansalita.’”

Saray Bilang 14:38

Diad saramay labinduan ispia di Josue tan Caleb labat so akapaliis ed patey.

Saray Bilang 27:3

“Inatey ed kalawakan si ama mi tan anggapoy anak ton laki. Aliwa ran kabyangan na saray mananumbok nen Core a sinmumpa ed Katawan; inatey ira lapud kasalanan dan dili.

Saray Bilang 34:19

Sikara yay lalakin pinili na Katawan: Diad tribu nen Juda si Caleb ya anak nen Jefone Diad tribu nen Simeon si Samuel ya anak nen Amihud Diad tribu nen Benjamin si Elidad ya anak nen Kislon Diad tribu nen Dan si Bukki ya anak nen Jogli Diad tribu nen Manases si Haniel ya anak nen Efod Diad tribu nen Efraim si Kemuel ya anak nen Siftan Diad tribu nen Zabulon si Elizafan ya anak nen Parnak Diad tribu nen Isacar si Paltiel ya anak nen Azan Diad tribu nen Aser si Ahihud ya anak nen Selomi Diad tribu nen Neftali si Padahelya anak nen Ahihud

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

Deuteronomio 1:36

Si Caleb a lakin anak nen Jefone so makaloob labat ed dalin. Nansiansian matoor ed siak, kanyan iter kod sikato tan saray kabyangay boleg to so dalin ya inispiaan to.’

Josue 5:4

Nen tinaynan na saray Israelita so Egipto, asegat la ray amin a lalaki, balet legan na apataploy taon na imbeltang na saray totoo diad kalawakan, anggapoy ogaw a lakin asegat. Diad kalabas na saman a panaon amin da ray lalakin nayarian day mibakal nen tinaynan day Egipto et inaatey ira lapud sinumlang day Katawan. Onung na sinambaan to, ag ira naabuloyan a makanengneng ed mayaman tan mataban dalin ya insipan tod saray lalaki ra.

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.