Saray Bilang 24:20 - Maung A Balita Biblia

²⁰ Insan diad sayan nipasingayew ed kinen Balaam anengneng to ray Amalecita, tan imbalikas to yan propisiya: “Say Amalec so sankamakapanyarian nen saman ed amin a bansa. Balet diad kaonuran naderal ya anggad angga.”

Maung a Balita Biblia

²⁰ Insan diad sayan nipasingayew ed kinen Balaam anengneng to ray Amalecita, tan imbalikas to yan propisiya: Say Amalec so sankamakapanyarian nen saman ed amin a bansa. Balet diad kaonuran naderal ya anggad angga.

Saray Bilang 24:20 Iomraidhean Croise

1 Saray Awaran 4:43

Pinapatey dad man iray akeraan ya Amalecita tan manlapud saman nanayam la rad man.

Ester 3:1

Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Ester 9:14

Ingganggan na ari a nagawa ra ya, kanyan angipaakseb na ganggan ed Susa. Nipanengneng ed karaklan iray bangkay na saramay anak nen Haman.

Exodo 17:14

Insan say Katawan kuantod kinen Moises, “Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.”

Exodo 17:16

Inkuanto, “Iyatagey yoy bandira na Katawan! Say Katawan ituloy toy mibakal a sumpad saray Amalecita ed ando lan ando!”

Exodo 17:8

Sinmabi ray Amalecita tan dinogpaan da ray Israelita diad Refidim.

Saray Bilang 24:19

Gatin-gatinan ira na bansa ya Israel Tan deralen to ray akapaliis ed patey.”

Saray Bilang 24:24

Saray ondogpan manakep et manlapud rad Chipre; Dakepen da so Asiria tan Eber, Balet naderal ira met lamlamang ya anggad angga.”

Saray Bilang 24:7

Nawalaan ira na daakan ya oran Tan isibwag day bokel na tanaman da ed saray ambasa-basan kaalogan. Matalonggaring nen si Agag so manarid sikara, Tan onawang na mapalalo so nanarian to.

Saray Huis 6:3

Kapag mantanem iray Israelita, dogpaan ira na saray Madianita a kaiba da ray Amalecita tan saray tribu ed kalawakan.

1 Samuel 14:48

Matalonggaring so impibakal to, tan tinalo to ray anggan saray Amalecita. Inyagel toy Israel ed amin da ray dinmodogpa.

1 Samuel 15:2

Dusaen to ray totoon Amalecita, ta sinumpa da ray Israelita nen tataynan day dalin na Egipto.

1 Samuel 30:1

Kalabas na duay agew, sinmabid Siclag si David tan saray totoo to. Dinogpaan na saray Amalecita so sagur na Juda tan say Siclag. Pinoolan day baley na Siclag,

1 Samuel 30:17

Diad palbangon ed ontombuk ya agew, dinogpaan ira nen David tan nilabanan to ra ya anggad labi. Likud ed apat a lasus a babalolakin batik a nankabayod kamilyo, anggapo lay arum ya akabatik.