Saray Bilang 24:18 - Maung A Balita Biblia

¹⁸ Dakepen to ray kalaban tod Edom, Tan kayaryanen toy dalin da, Legan a mamataloy Israel.

Maung a Balita Biblia

¹⁸ Dakepen to ray kalaban tod Edom, Tan kayaryanen toy dalin da, Legan a mamataloy Israel.

Saray Bilang 24:18 Iomraidhean Croise

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

Genesis 27:40

Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

Genesis 32:3

Angibakiy Jacob na totoo to ed kinen agi ton Esau diad dalin na Edom.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

1 Saray Arari 11:14

Kanyan tinanggoyur na Katawan si Hadad a kabyangay pamilya na ari ed Edom ya onlaban ed kinen Solomon.

1 Saray Arari 11:15

Nen saman a panaon kasakbayan to ya, nen tinalo nen David so Edom, linmad may Joab a pangulo na saray sondalo to, ta ipompon to ray inaatey. Nanayam na anem bulan ed Edom si Joab tan saray totoo to. Legan to yan panaon pinapatey da ray lalakin taga Edom

Saray Salmo 60:1

Inkaindan mo kami, O Dios, tan tinalo mo kami; nampasnukan mo kami—balet natan, pawil ka pa lad sikami!

Isaias 34:5

Say Katawan imparaan tod tawen so ispada to, tan natan nitipas ed Edom, diad saray totoon sinintinsiaan ton ompatey.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Amos 9:12

Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Obadias 1:2

Say Katawan kuantod Edom, “Pagmaliwen ta kan saginonur ed saray bansa; mapalaloy kabalaw-balaw mo.

Saray Bilang 20:18

Balet inmebat iray Edomita, “Ag mi kayo abuloyan ya ondalan ed bansa mi! No ituloy yoy ondalan dogpaen mi kayon bakalen.”

Saray Bilang 24:19

Gatin-gatinan ira na bansa ya Israel Tan deralen to ray akapaliis ed patey.”