Saray Bilang 22:9 - Maung A Balita Biblia

⁹ Linmad kinen Balaam so Dios tan tinepet to, “Siopa ra yay totoon kaibam natan?”

Maung a Balita Biblia

⁹ Linmad kinen Balaam so Dios tan tinepet to, Siopa ra yay totoon kaibam natan?

Saray Bilang 22:9 Iomraidhean Croise

Genesis 16:8

tan inkuanto, “Agar ya aripen nen Sarai, nanlapwan mo tan iner so laen mo?” Inmebat, “Ibabatikan koy amok a bii a si Sarai.”

Genesis 20:3

Aminsan a labi pinmayawar ed kogip to so Dios a kuanto, “Ompatey ka, ta inalam so biin wala lay asawa to.”

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Genesis 4:9

Tinepet na Katawan ed kinen Cain, “Kawalaan nen Abel ya agim?” Inmebat, “Ag ko amta. Siak tay managasikasod agik?”

Genesis 41:25

Inkuanen Jose, “Saksakey so talus da ra yan duan kogip mo; imbagay Dios ed sika so gawaen to.

Exodo 4:2

Say Katawan tinepet tod kinen Moises, “Anto tay sankabembenan mo?” “Baston,” ebat nen Moises.

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Saray Bilang 22:10

Inmebat si Balaam, “Imbaki ra ed siak nen Ari Balak na Moab ta ibaga rad siak

Saray Bilang 22:20

Diad saman a labi say Dios linmad kinen Balaam tan kuanto, “No sarayan lalaki et kerewen dan mila kad sikara, mamparaan kan mila, balet gawam labat so ibagak ed sika.”

Saray Bilang 22:8

Inkuanen Balaam ed sikara, “Ogip kayo la diad sayan labi, et nabwas ibagak ed sikayo so salitaen na Katawan ed siak.” Kanyan naogip lad kawalaan nen Balaam ira may pangulo da ray Moabita.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 7:22

No onsabiy Agew na Okum, dakerakel iray mangibagad siak na: ‘Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!’

Juan 11:51

(Ag to ya inkuan a nanlapud nunot ton dili. Lapud sikatoy Pangulon Pari ed saman a taon, impasakbay ton ompatey si Jesus para saray Judio.