Saray Bilang 22:6 - Maung A Balita Biblia

⁶ Dakel ira nen say sikami kanyan ipangasim pan isamban ira para siak. Diad ontan natalo mi ra angangko tan napataynan mi ra ed paway na dalin. Amtak a no mamindision kay too, nabindisionan a tua, tan no mangisamba kay too, nisamban tua.”

Maung a Balita Biblia

⁶ Dakel ira nen say sikami kanyan ipangasim pan isamban ira para siak. Diad ontan natalo mi ra angangko tan napataynan mi ra ed paway na dalin. Amtak a no mamindision kay too, nabindisionan a tua, tan no mangisamba kay too, nisamban tua.

Saray Bilang 22:6 Iomraidhean Croise

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

1 Saray Arari 22:13

Legan to ya, samay opisyal a mangaawit ed kinen Micaya inkuantod sikato, “Aligwas na ari so impropisiya na amin da ray arum a propita, kanyan onya met so ipropisiyam.”

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

Nehemias 13:2

Say makasengeg ed saya et lapud saray Ammonita tan saray Moabita et ag da initdan na nakan tan nainom iray Israelita nen peles dan tataynan so Egipto. Binayaran da ingen na kuarta si Balaam a mangisambad saray Israelita, balet say Dios tayo impagmaliw ton bindision imay samba.

Saray Salmo 109:28

Nayarin isamba da ak, balet bindisionan mo ak. Natalo komun iray mamapairap ed siak, tan siak a managlingkur mo et manliket ak komun.

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

Ezekiel 13:6

Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Saray Bilang 22:12

Say Dios kuantod kinen Balaam, “Ag ka mimilad sarayan totoo, tan ag mo isasamba ray Israelita, ta walad sikara so bindision ko.”

Saray Bilang 22:17

Tumangan ta ka na baleg a kagalangan tan gawaen ko so amin ya ibagam. Gala dia kari tan isambam ira yan totoo para siak.”

Saray Bilang 23:13

Insa inkuanen Balak ed kinen Balaam, “Mila kad siak ed sananey a pakabantagan mo na pigara labat ya Israelita. Manlapud man isambam ira para siak.”

Saray Bilang 23:27

Inkuanen Balak, “Gala, ta onla tad arum a pasen. Ag la pigan manlapud man say Dios abuloyan to kan mangisambad sikara para siak.”

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.

Josue 24:9

Insan akilaban ed sikayo so ari na Moab a si Balak a lakin anak nen Zipor. Impaibaga tod kinen Balaam a lakin anak nen Beor ya isamba to kayo.

1 Samuel 17:43

Inkuantod kinen David, “Antoy gawaen mod satay baston? Abaloan mo sirin ya aso ak?” Kinerew to ya isamba na saray dios to si David.