Saray Bilang 22:38 - Maung A Balita Biblia

³⁸ Inmebat si Balaam, “Ag ta wadya ak la natan? Balet antoy pakayarin walad siak? Salitaen ko labat natan so paibagad siak na Dios.”

Maung a Balita Biblia

³⁸ Inmebat si Balaam, Ag ta wadya ak la natan? Balet antoy pakayarin walad siak? Salitaen ko labat natan so paibagad siak na Dios.

Saray Bilang 22:38 Iomraidhean Croise

1 Saray Arari 22:14

Balet inmebat si Micaya, “Diad ngaran na mabilay a Katawan, say papaibaga tod siak so ibagak!”

1 Saray Arari 22:16

Balet inmebat si Acab, “Mamimpigan ibagak ed sikan say katwaan labat so ibagam ed siak diad ngaray Katawan?”

2 Saray Awaran 18:13

Balet inmebat si Micaya, “Diad ngaran na mabilay a Katawan, say papaibaga na Dios so ibagak!”

Saray Salmo 33:10

Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Isaias 47:12

Ituloy moy panagsalamangkam tan say panagparles mo; inkakanam la ra nanlapu lad impanogaw mo. Angangko makatulong irad sika; angangko nataktakot mo ray kalaban mo.

Saray Bilang 22:18

Balet inmebat si Balaam, “Anggan iter ed siak nen Balak iray amin a pilak tan balituk na palasio to, ag kon balut nayarian a sumlangen so anggan sankamelagan a ganggan na Katawan a Dios ko.

Saray Bilang 22:37

Inkuanen Balak ed sikato, “Akin et ag ka akila ed saramay inmonan imbakik? Abaloan mo, ag ta ka nayarian a tumangan na manepeg a kagalangan?”

Saray Bilang 22:39

Kanyan akilay Balaam ed kinen Balak ya anggad baley na Huzot,

Saray Bilang 22:8

Inkuanen Balaam ed sikara, “Ogip kayo la diad sayan labi, et nabwas ibagak ed sikayo so salitaen na Katawan ed siak.” Kanyan naogip lad kawalaan nen Balaam ira may pangulo da ray Moabita.

Saray Bilang 23:16

Inabet na Katawan si Balaam, imbaga to no antoy salitaen to, tan imbaki to la ed kinen Balak pian nasalita toy papaibaga tod sikato.

Saray Bilang 23:26

Inmebat si Balaam, “Ag ko ta la imbagad sika a no antoy imbaga na Katawan et sikatoy gawaen ko?”

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”