Saray Bilang 21:33 - Maung A Balita Biblia

³³ Insan sinmipa ray Israelita tan amaarap ira ed Basan, balet pinmaway si Ari Og na Basan tan saray sondalo to et dinogpaan da ra ed Edrei.

Maung a Balita Biblia

³³ Insan sinmipa ray Israelita tan amaarap ira ed Basan, balet pinmaway si Ari Og na Basan tan saray sondalo to et dinogpaan da ra ed Edrei.

Saray Bilang 21:33 Iomraidhean Croise

Saray Salmo 135:11

si Sehon ya ari na saray Amorreo, si Og ya ari na Basan, tan amin ya arari ed Canaan.

Saray Salmo 136:20

tan si Og ya ari na Basan; andi-anggaan so panangaro to.

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

Saray Salmo 68:15

Agaylay pakapanyariy palandey na Basan, sakey a palandey ya amayamay so toktok to!

Saray Salmo 68:22

Inkuay Katawan, “Ipawil kon manlapud Basan iray kalaban yo; agwaten ko rad dalem na dayat,

Isaias 33:9

Ataynan so dalin kanyan anggapoy onkitakitaw. Amagaan so takel na Libano, nagmaliw a singa kalawakan so patar na Saron, tan mampagpag iray bulong na kakiewan ed Basan tan diad Palandey na Carmelo.

Ezekiel 27:6

Kiew iran robli a nanlapud Basan iray ginawa ran begsay; Saleng a nanlapud Chipre iray inkana ra ed impanggawa rad kuartoy barkom, Inokupan da na garing.

Ezekiel 39:18

Nepeg a mangan ira na laman na saray sondalo tan oninom na dala da ray manoley ed tapew na dalin, a napatey iran amin a singa karniron kalakyan odino kordiro odino kanding, odino mataban bakan kalakyan.

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Saray Bilang 32:33

Kanyan si Moises impabetang tod saray tribu di Gad tan Ruben tan say kapaldua na tribu nen Manases iray amin a dalin nen Sehon ya ari da ray Amorreo tan si Og ya ari na Basan, pati saray baley tan bario ed kaliber-liber da.

Deuteronomio 1:4

Agawa ya sanen tinalo na Katawan si Sehon ya ari da ray Amorreo a nanoley ed baley na Hesbon, tan si Og ya ari na Basan a nanoley ed saray baley na Astarot tan Edrei.

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Deuteronomio 29:7

Et nen akasabi tayod sayan pasen, pinmaway ya akibakal ed sikatayo ira di Ari Sehon na Hesbon tan Ari Og na Basan. Balet tinalo tayo ra,

Deuteronomio 32:14

Daakan a gatas so inter na saray baka tan saray kanding da; awalaan iray sankaabigan a karniro, kanding, tan baka, awalaan met ira na sankaabigan a trigo, tan sankasamitan ya alak.

Deuteronomio 4:47

Nilooban dan nanayaman so dalin to tan say dalin nen Og, say ari na Basan, tan sananey ya ari da ray Amorreo a nanayam ed bokig na Jordan.

Josue 12:4

Tinalo da met si Ari Og na Basan sakey ed saray akeraan a Refaim. Nanoley ed Astarot tan Edrei.

Josue 13:12

Sakop to met ni so nanarian nen Og, say kaonuran ed saray Refaim, tan nanoley ed Astarot tan Edrei. Tinalo nen Moises ira yan totoo tan pinataynan to ra.

Josue 13:30

Sakop na dalin da so Mahanaim tan say intiron dalin na Basan—say intiron nanarian nen Og ya ari na Basan, tan amin iray anemaplon bario na Jair diad dalin na Basan.

Josue 9:10

tan say ginawa to ed saray duaran ari da ray Amorreo diad bokig na Jordan: Si Ari Sehon na Hesbon tan si Ari Og na Basan a manaayam ed Astarot.