Saray Bilang 21:29 - Maung A Balita Biblia

²⁹ Pakaskasi kayo la, sikayon taga Moab! Aderal-deral kayo la, sikayon manangigalang ed Kemos! Inyabuloy na dios yo a nadakep na arum a bansa iray lalaki, Tan saray bibii adakep ira na ari na saray Amorreo.

Maung a Balita Biblia

²⁹ Pakaskasi kayo la, sikayon taga Moab! Aderal-deral kayo la, sikayon manangigalang ed Kemos! Inyabuloy na dios yo a nadakep na arum a bansa iray lalaki, Tan saray bibii adakep ira na ari na saray Amorreo.

Saray Bilang 21:29 Iomraidhean Croise

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

1 Saray Arari 11:7

Diad tapew na palandey ed nibokig na Jerusalem, nanggaway pasen a pangigalangan ed kinen Cemos a makapaingungot a dios na Moab. Nanggawa met na pasen a pangigalangan ed kinen Milcom a makapaingungot a dios na Ammon.

2 Saray Arari 23:13

Ginawa met nen Josias ya andi-kakanaan iray altar a ginawa nen Ari Solomon diad bokig na Jerusalem, abalaten na Palandey na Oliba. Sarayan altar et para pangigalang ed saray makapaingungot a talintao na saray diriyos—Astarte a dios na Sidon, Kemos a dios na Moab, tan Molec a dios na Ammon.

Isaias 15:5

Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Isaias 16:2

Manaalagar irad gilig na Ilog na Arnon, onsulong, ompawil iran anggapoy getma, a singa ra saray manok ya asibwak ed obung da.

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Jeremias 48:45

Saray totoon pangaskasiyan ya akabatik salien day paiyagel ed Hesbon, say siudad ya aminsan inoleyan nen Ari Sihon, balet napopoolan. Tinemek na apoy iray tirinsira tan saray kapalandeyan na saray totood Moab a maliket irad bakal.

Jeremias 48:46

Pangaskasiyan iray taga Moab! Inaatey iray totoon angigalang ed dios a Camos, tan nalan priso iray anak dan lalaki tan bibii.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.