Saray Bilang 21:26 - Maung A Balita Biblia

²⁶ Say Hesbon et manonan siudad na ari da ray Amorreo a si Sehon ya akibakal nen saman ed ari na Moab tan adakep toy intiron dalin to ya anggad Ilog na Arnon.

Maung a Balita Biblia

²⁶ Say Hesbon et manonan siudad na ari da ray Amorreo a si Sehon ya akibakal nen saman ed ari na Moab tan adakep toy intiron dalin to ya anggad Ilog na Arnon.

Saray Bilang 21:26 Iomraidhean Croise

Kanta nen Solomon 7:4

Singa torin garing so beklew mo. Saray matam et singa saray dipositoway danum ed Hesbon, diad asingger ed puirta na saman a matalonggaring a siudad. Matondiris so eleng mon singa torid Libano ya ososdungan toy Damasco.

Kanta nen Solomon 7:5

Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Jeremias 48:2

naandi lay kagalangan nen Moab. Adakep na saray kalaban so Hesbon tan mankokomplut iran maneral ed bansa na Moab. Ag makaesel so baley na Madmen; onsulong iray sondalo sumpad sayan baley.

Jeremias 48:20

‘Naplag la so Moab,’ so iyebat da, ‘nangisan yo; napelag lad kababaingan. Ibawag yod gilig na Ilog na Arnon ya aderal la so Moab!’

Jeremias 48:45

Saray totoon pangaskasiyan ya akabatik salien day paiyagel ed Hesbon, say siudad ya aminsan inoleyan nen Ari Sihon, balet napopoolan. Tinemek na apoy iray tirinsira tan saray kapalandeyan na saray totood Moab a maliket irad bakal.

Saray Bilang 21:25

Kanyan saray totood Israel adakep da ray amin a siudad na saray Amorreo, pati say Hesbon tan amin a kaliber-liber ton baley, insan da ra nanaayaman.

Saray Bilang 21:27

Sikato yay makasengeg a saray umaanlong ikankanta ra: “Laka yod Hesbon, diad siudad nen Ari Sehon! Labay min nanengneng a nipaalagey lamet tan napasimbalo.

Deuteronomio 1:4

Agawa ya sanen tinalo na Katawan si Sehon ya ari da ray Amorreo a nanoley ed baley na Hesbon, tan si Og ya ari na Basan a nanoley ed saray baley na Astarot tan Edrei.

Josue 13:16

Sakop na dalin da so Aroer (a walad gilig na Patar na Arnon) tan say siudad ed pegley na saman a patar tan sakop to met so intiron niatagey a patar ed kaliber-liber na Medeba.

Josue 13:17

Sakop to met so Hesbon tan amin iray siudad ed niatagey a patar; Dibon, Bamot-baal, Bet-baalmeon,

Josue 13:25

Sakop na dalin da so Jazer tan amin da ray siudad na Galaad, say kapaldua na dalin na Amon ya anggad Aroer na nibokig na Raba;

Josue 21:39

Hesbon, tan Jazer a pati saray dalin a panagpastolan da.

Saray Huis 11:26

Talon lasus taon a nanayam so Israel ed Hesbon tan Aroer, tan diad saray kaliber-liber dan baley, tan diad amin a siudad ed gilig na Ilog na Armon. Akin et ag mo ra binabawi ed loob to man a panaon?