Saray Bilang 20:8 - Maung A Balita Biblia

⁸ “Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.”

Maung a Balita Biblia

⁸ Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton-dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.

Saray Bilang 20:8 Iomraidhean Croise

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Saray Salmo 105:41

Nilokasan toy sakey a baton-dampay, et tinmuroy danum; singa ilog ya inmagos ed kalawakan.

Saray Salmo 114:8

say Dios a gagawaen ton danum iray baton dampay, tan managos a sobul iray baton kalipkip.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Exodo 14:16

Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da.

Exodo 17:9

Si Moises kuantod kinen Josue, “Mamili ka na saray lalaki, ta onla ran mibakal nabwas ed saray Amalecita. Manalagey ak ed tapew na pokdul a sankabembenan koy baston ya impaawit ed siak na Dios.”

Exodo 4:17

Awit mo tay baston mo, ta ikanam ed panggawa na saray pakelaw.”

Exodo 4:2

Say Katawan tinepet tod kinen Moises, “Anto tay sankabembenan mo?” “Baston,” ebat nen Moises.

Exodo 4:20

Inala nen Moises sirin so asawa to tan saray lalakin anak to; impakabayo to rad sakey ya asno, insan ira amaarap ed dalin na Egipto a sankaegnaan to may baston ya imbagay Dios ya awiten to.

Exodo 7:20

Sinumpal sirin di Moises tan Aaron iray ingganggan na Katawan. Diad arap na ari tan saray opisyal to, inyatagey nen Aaron imay baston to tan imbakbak tod tapew na ilog, et nagmaliw a dala so amin a danum to.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Saray Bilang 20:11

Insan inyatagey nen Moises imay baston tan pinekpek ton amidua imay baton dampay, et pinmaway so manwawan sobul na danum. Inmiinom iray amin a totoo tan amin ya ayayep.

Saray Bilang 20:7

Say Katawan kuantod kinen Moises,

Saray Bilang 21:15

tan say palasur na saray patar a nasabi toy baley na Ar tan mamaarap ed ketegan na Moab.”

Saray Bilang 21:18

Say bobun a kinotkot na saray prinsipi Tan saray pangulo da ray totoo, Diad panamegley na sitroy ari Tan saray baston da.” Manlapud kalawakan inmalis ira ed Matana,

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Lucas 11:13

No sikayo, anta maoges kayo, et amta yoy mangiter na pankaabigay anak yo, lalo la sirin a say Aman walad tawen et iter toy Ispiritu Santo ed saray onkerew ed sikato.”

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

Saray Gawgawa 1:14

Naynay iran mankakasakey a mampikasi, a kaiba da ray pigaran bibii tan si Maria ya ina nen Jesus, tan saray lalakin agagi nen Jesus.

Josue 6:20

Kanyan pinaknul na saray papari iray trumpita. Kadngel ed saya na saray totoo, inmeyaeyag ira, et ageba ray padir. Insan amin a sondalo kinmalab irad siudad, et adakep da.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.