Saray Bilang 20:2 - Maung A Balita Biblia

² Anggapoy danum dimad nankampoan da, kanyan minokut day Moises tan Aaron

Maung a Balita Biblia

² Anggapoy danum dimad nankampoan da, kanyan minokut day Moises tan Aaron

Saray Bilang 20:2 Iomraidhean Croise

Saray Salmo 106:32

Impanpasnuk na saray totoo so Katawan diad saray sobul na Meriba, kanyan nanirap si Moises lapud sikara.

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Exodo 16:2

Diman ed kalawakan, nanriklamod kinen Moises tan Aaron iray amin ya Israelita.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikato—on, sumpad sikato, ta susumpalen mi labat iray bilin to.”

Saray Bilang 14:2

Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Saray Bilang 16:19

Insan si Core tinipon to ray amin ya Israelita, tan nanalagey iran akaarap ed kindi Moises tan Aaron diad lolooban na Tulda. Kabebekta pinmatnag ed amin a katoowan so kagalangan na Katawan;

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Saray Bilang 16:42

Kayari na impantitipon dan nanriklamo sumpad kindi Moises tan Aaron, linmingaw irad Tulda et anengneng dan ontatarung ed samay Tulda so lorem tan pinmatnag so kagalangan na Katawan.

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”