Saray Bilang 20:17 - Maung A Balita Biblia

¹⁷ Padalan mo kami pad dalin mo. Sikami tan saray ayayep mi et ag kami oniwas ed dalan, ag kami onlad kaalogan odino kaubasan mo tan ag kami oninom ed saray bobun mo. Mampetek kamin manakar ed maawang a dalan ya anggad nalabsanan miy nasasakopan mon dalin.”

Maung a Balita Biblia

¹⁷ Padalan mo kami pad dalin mo. Sikami tan saray ayayep mi et ag kami oniwas ed dalan, ag kami onlad kaalogan odino kaubasan mo tan ag kami oninom ed saray bobun mo. Mampetek kamin manakar ed maawang a dalan ya anggad nalabsanan miy nasasakopan mon dalin.

Saray Bilang 20:17 Iomraidhean Croise

2 Saray Awaran 20:10

“Natan, dinogpaan kami na saray totood Ammon, Moab, tan Edom. Nen pinmaway ed Egipto iray lalaki mi, ag mo inabuloyan a looban da ra man a dalin, kanyan sinmaliberber ira tan ag da ra dineral.

Saray Bilang 21:1

Nen say arin Cananeo a manooley ed Arad diad abalaten na Canaan et nadngelan ton onsasabi ray Israelita tan ondadalan ira ed Atarim, dinogpaan to ra tan adakep toy pigarad sikara.

Deuteronomio 2:27

‘Padalan mo kami pad dalin mo. Tuloy-tuloy kamin ondalan tan ag kamin balut oniwas.

Deuteronomio 2:28

Bayaran mi so antokaman a naakan tan nainom mi. Anggapoy arum a gawaen mi no ag say ondalan labat ed dalin mo,

Deuteronomio 2:29

ombaliw ed Ilog na Jordan ya anggad pakasabi mid dalin ya iter ed sikami na Katawan a Dios mi. Saray kabyangay boleg nen Esau a manaayam ed Edom, tan saray Moabita a manaayam ed Ar et inabuloyan da kamin dinmalan ed dalin da.’