Saray Bilang 19:22 - Maung A Balita Biblia

²² Antokaman a diwiten na toon marotak et magmaliw a marotak met onung ed ganggan, tan siopamay maniwit na sayan antokaman a marotak et siansian marotak ya anggad labi.

Maung a Balita Biblia

²² Antokaman a diwiten na toon marotak et magmaliw a marotak met onung ed ganggan, tan siopamay maniwit na sayan antokaman a marotak et siansian marotak ya anggad labi.

Saray Bilang 19:22 Iomraidhean Croise

Levitico 15:1

Say Katawan inter tod kinen Moises tan Aaron iray onggendan a totontonen

Levitico 15:10

Siopamay makadiwit ed inirungan na samay too et marotak ya anggad labi. Siopamay mangawit na antokaman ya inirungan to may too et nepeg ya ipesak toy kawes to tan manames, tan siansian marotak ya anggad labi.

Levitico 15:11

Siopamay toon nadiwit na lakin walay ompapaway ed kayaryan to ya ag ni nanoras na lima to, nepeg ya ipesak toy kawes to tan manames, tan siansian marotak ya anggad labi.

Levitico 15:21

Siopamay makadiwit na katri to odino antokaman a yorungan to, nepeg ya ipesak toy kawes to tan manames, tan siansian marotak ya anggad labi.

Levitico 15:27

Siopamay makadiwit ed saraya et marotak; nepeg ya ipesak toy kawes to tan manames, tan siansian marotak ya anggad labi.

Levitico 15:5

Siopamay makadiwit ed katri to yan laki

Levitico 15:6

odino onirung ed inirungan to et nepeg ya ipesak toy kawes to tan manames, tan siansian marotak ya anggad labi.

Levitico 15:7

Siopamay maniwit ed toon walay ompapaway ed kayaryan to et nepeg ya ipesak toy kawes to tan manames, tan siansian marotak ya anggad labi.

Levitico 15:8

No say toon walay ompapaway ed kayaryan to et alukdaan toy toon malinis onung ed ganggan, sayan toon alukdaan et nepeg ya ipesak toy kawes to tan manames, tan siansian marotak ya anggad labi.

Levitico 22:5

odino no adiwit toy ayep o toon marotak onung ed ganggan.

Levitico 22:6

Siopamay parin magmaliw a marotak siansian marotak ya anggad labi, tan anggan no malinis la ag nin siansia makapangan na saray masanton bagat no ag ni nanames.

Levitico 5:2

No say sakey a too et ag to ginagalan adiwit so bengatlan marotak onung ed ganggan, a singa bilang say inatey ya ayep, magmaliw a marotak tan nankasalanan diad bektan abirbir to so agawa to.

Levitico 5:3

No say sakey a too et ag to ginagalan adiwit so bengatlan marotak a nanlapud too, anggan anton bengatla, sikatoy nankasalanan diad bektan abirbir to so agawa to.

Levitico 7:19

No say karni et nidiwit ed antokaman a marotak onung ed ganggan, ag nepeg a kanen, no ag ingen poolan. Siopamay malinis onung ed ganggan nayarin mangan ed samay karni,

Levitico 7:21

Ontan met, no say sakey a too et mangan ed karni na sayan bagat kayari ton diniwit so bengatlan marotak onung ed ganggan, manlapu man ed too odino ayep, nipasen ya aliwa lan sakey ed saray totoo na Dios.

Aggeo 2:13

Insan tinepet nen Aggeo, “No bilang ta walay sakey a toon arotakan lapud adiwit toy bangkay, insan to diwiten so sakey ed sarayan kakanen, nadotakan met la ra kasi?” Inmebat ira may papari, “On.”

Saray Bilang 19:7

Kayari to ya, ipesak toy kawes to tan kalboan toy laman to na danum, insan nayarian to lay onloob ed kampo; balet siansian marotak ni onung ed ganggan ya anggad labi.