Saray Bilang 18:8 - Maung A Balita Biblia

⁸ Say Katawan kuantod kinen Aaron, “Ag mo lilingwanan ya iter kod sika iray amin a nidoma-doman bagat ya ag poolan ya isaklang da ray totoo. Iter ko rad sika tan saray kabyangay boleg mo, tan sikaray nabebetangan yo ed anggad angga.

Maung a Balita Biblia

⁸ Say Katawan kuantod kinen Aaron, Ag mo lilingwanan ya iter kod sika iray amin a nidoma-doman bagat ya ag poolan ya isaklang da ray totoo. Iter ko rad sika tan saray kabyangay boleg mo, tan sikaray nabebetangan yo ed anggad angga.

Saray Bilang 18:8 Iomraidhean Croise

2 Saray Arari 12:16

Saray napapasegep a kuartan innunot a para saray bagat a pangipulang na kasalanan tan saray kuartan napapasegep diad pangisaklang na saray bagat a para kasalanan et ag ipepelag ed kahon; kayaryan ira na papari.

2 Saray Awaran 31:4

Ingganggan ni na ari a mangyakar iray totood Jerusalem na saray bagat a nepeg ya iter ed saray papari tan saray Levita, pian niiter day arum a panaon da ed panumpal day Ganggan na Katawan.

2 Saray Awaran 31:5

Kapangipaakseb ed ganggan na ari, angyaakar iray totood Israel na saray rigalo ran sankaabigan a trigo, alak, larak na oliba, dilo, tan arum ni ran bungay dalin. Inyaakar da met iray kakaplo na antokaman a kayaryan da.

Exodo 28:43

Si Aaron tan saray anak to et nepeg ya isolung da ra ya lawas no onloob ira ed Tuldan Ayamay Katawan odino no onasingger irad altar a manlingkur a papari diad Masanton Pasen, pian ag ira ompatey lapud pangipanengneng dad laman da. Sikato yay mansiansian tontonen a nepeg a sumpalen di Aaron tan saray kabyangay boleg to.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Exodo 29:28

Nepeg ya ag balut naoman yan imbagak; no saray totoo et mangisaklang ira na saray bagat a para kareenan, say pagew tan say ulpo na ayep et kayaryan ira na saray papari. Sikato yay rigalod siak a Katawan na saray totoo.

Exodo 29:29

“Saray masanton kawes nen Aaron et nepeg ya ipalima ed saray anak to kayari na ipatey to, pian nisolung da ra no sikaray ikonsagra.

Exodo 40:13

Solungan mo si Aaron na kawes na pari, lanaan mo na larak na oliba tan isaklang mo, pian makapanlingkur a sakey a pari ed siak.

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Isaias 10:27

No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Levitico 21:10

“Say Pangulon Pari et kinalboan na larak so olo to tan nisaklang a mangisolung na saray kawes na pari, kanyan ag to nepeg a paolyan ya ag asagaysay so buek to odino pilaten toy kawes to diad pangipanengneng ton maneermen.

Levitico 23:20

Say pari iyapay toy tinapay a katekep na duaran kordiro a sikaray nidoma-doman rigalo ed Katawan tan para saray pari. Masanto ra yan bagat.

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 6:18

Diad amin a panaon ya onsabi siopaman ed saray lalakin kabyangay boleg nen Aaron et nayarin mangan ed saray akeraan ed bagat a trigo tan sikatoy betang da lawas ed saray bagat a popoolan ya insaklang ed Katawan. Siopamay arum a maniwit ed sayan bagat napasakitan na pakayari na inkasanto na bagat.

Levitico 6:20

a nipaakar ed pangikonsagrad kinen Aaron tan saray lalakin anak to. Diad agew na pangikonsagrad siopaman ed sikara, sikatoy mangibagat ed Katawan na sakey kilon arina (singa karakel na samay inagew-agew a bagat a trigo), say kapaldua diad kabwasan tan say kapaldua diad labi.

Levitico 6:26

Say parin mangibagat ed samay ayep kanen tod masanton pasen, diad solar na Tuldan Ayamay Katawan.

Levitico 7:14

Mangiter na sakey a pisag na balang nengneng na tinapay tan iyapay tod Katawan; kayaryan ya na parin mangala na dala na samay ayep tan isibo tod altar.

Levitico 7:28

Say Katawan inter tod kinen Moises iray onggendan a totontonen

Levitico 7:6

Siopamay lakin kabyangan na pamilyay pari et nayarian toy mangan ed sayan bagat, balet nepeg a kanen ed sakey a masanton pasen, lapud masanton tuloy yan bagat.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Saray Bilang 18:9

Diad saray sankasantosan a bagat ya ag ira poolan ed tapew na altar, saray onggendan so kayaryan yo: saray bagat a trigo, saray bagat a para kasalanan, saray bagat a pambayar. Amin a masanton nisaklang ed siak et kayaryan mo tan saray anak mo.

Saray Bilang 5:9

Ontan met, amin a nidoma-doman bagat ya isaklang da ray Israelita ed Katawan et kayaryan ira parin pangiteran da.

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Deuteronomio 18:1

“Saray Levitan pari a kabyangan ira na tribu nen Levi et anggapoy betang dad dalin na Israel; ingen say panlapwan na pambilay da et saray bagat tan saray rigalon inter ed Katawan.

Deuteronomio 26:13

ikuanyod Katawan, ‘Diad abung ko anggapoy atilak a masanton kakaplo; inter ko lad saray Levita, saray sangkaili, saray olila, tan saray bibiin balo, onung na ingganggan mod siak. Ag ko sinumlang o nilingwanan so dinan man a ganggan mon nipaakar ed kakaplo.

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.”

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.