Saray Bilang 18:3 - Maung A Balita Biblia

³ Gawaen da ray kimey da tan kanepegan da para Tulda, balet ag ira nepeg ya onsingger ed saray masanton bengatla a walad dalem na Masanton Pasen odino diad altar. No onsingger ira pateyen ira tan sikayo.

Maung a Balita Biblia

³ Gawaen da ray kimey da tan kanepegan da para Tulda, balet ag ira nepeg ya onsingger ed saray masanton bengatla a walad dalem na Masanton Pasen odino diad altar. No onsingger ira pateyen ira tan sikayo.

Saray Bilang 18:3 Iomraidhean Croise

Ezekiel 44:13

Ag ira nepeg a manlingkur ed siak a papari, odino onsingger irad bengatlan masanto ed siak, odino onloob ed Sankasantosan a pasen. Sikato yay dusa ra lapud saray makapaingungot a ginagawa ra.

Saray Bilang 1:51

Kapag iyalis yoy kampo yo, saray Levita so mangyepas ed Tulda tan sikaray mangilira ed balon pankampoan yo. Likud ed sikara pateyen so siopaman ya onabay ed Tulda.

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Bilang 18:4

Sikaray katulongan yo tan gawaen da ray susumpalen a panlingkur ed dalem na Tulda, balet ag nepeg a tulongan kayo na saray totoon aliwan manepeg.

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

Saray Bilang 3:25

Sikara so makaoley ed Tulda, say sakbung tod dalem, say sakbung tod tapew, say kurtina na lolooban,

Saray Bilang 3:31

Sikaray makaoley ed Kaban na Sipanan, say lamisaan, say panangipatoonan na lamparaan, saray altar, saray kagawaan ya ikakana na saray papari ed dalem na Masanton Pasen, tan say kurtina na loloobay Sankasantosan a Pasen. Sikaray makaoley ed amin a kimey a nipaakar ed sarayan bengatla.

Saray Bilang 3:36

Sikaray makaoley a mangasikaso ed saray tabla na Tulda, saray balewet to, saray lusek to, saray dapan da ray lusek to, tan amin a kagawaan to. Sikaray makaoley ed amin a kimey a nipaakar ed sarayan bengatla.

Saray Bilang 31:30

Diad betang da ray totoo, mamawas ka na sakey a priso ed kapag limamplo; ontan met so gawaen mod saray baka, asno, karniro, tan kanding. Iter mo rad saray Levita a makaoley ed Tulda na Katawan.”

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.