Saray Bilang 18:22 - Maung A Balita Biblia

²² Saray arum ya Israelita et ag da la nepeg so onsingger ed Tulda, ta no onsingger ira mankasalanan ira tan ompatey ira.

Maung a Balita Biblia

²² Saray arum ya Israelita et ag da la nepeg so onsingger ed Tulda, ta no onsingger ira mankasalanan ira tan ompatey ira.

Saray Bilang 18:22 Iomraidhean Croise

Exodo 28:43

Si Aaron tan saray anak to et nepeg ya isolung da ra ya lawas no onloob ira ed Tuldan Ayamay Katawan odino no onasingger irad altar a manlingkur a papari diad Masanton Pasen, pian ag ira ompatey lapud pangipanengneng dad laman da. Sikato yay mansiansian tontonen a nepeg a sumpalen di Aaron tan saray kabyangay boleg to.

Levitico 20:20

No say sakey a laki et miakdul ed asawa na pangamaen to ipelag tod kababaingan so pangamaen to tan sikato tan samay biin akiakdulan to et nepeg iran dusaen; ag ira nawalaan na anak.

Levitico 22:9

“Amin a pari nepeg a tombuken da ray totontonen ya inter ko. No ag da ra tombuken, mankasalanan ira tan ompatey ira, lapud sinumlang da ray masanton totontonen. Siak so Katawan a mapasantod sikara.

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

Saray Bilang 3:10

Torom si Aaron tan saray anak ton lalaki a manggawa na saray susumpalen na pari; likud ed sikara pateyen so siopaman a manggawa na susumpalen na pari.”

Saray Bilang 3:38

Si Moises tan si Aaron tan saray anak ton lalaki et nepeg a mankampo ra ed bokig diad arap na Tulda. Sikaray makaoley ed amin a kimey a susumpalen ed loob na Masanton Pasen para saray Israelita. Likud ed sikara pateyen so siopaman a manggawa na susumpalen na pari.