Saray Bilang 18:15 - Maung A Balita Biblia

¹⁵ “Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Maung a Balita Biblia

¹⁵ Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Saray Bilang 18:15 Iomraidhean Croise

2 Saray Arari 12:5

Makaoley so balang pari ed kuartan iiter na saray panlilingkuran to, tan onung na pankaukolan nikana so kuarta ed pampaapiger na Timplo.

Nehemias 10:37

Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Exodo 13:15

Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi.

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 34:20

balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

Saray Bilang 18:16

Saray pangulowan ya anak nepeg a narondon ira no sakey bulan la ra; say nigetar a panondon ed sikara et limaran pilak a kuarta onung ed panagkuinta ed santuario.

Saray Bilang 3:46

Bangta saray lalakin pangulowan ya anak da ray Israelita et dakel ni na duanlasus tan pitomplo tan talo nen saray Levita, nepeg mon dondonen ira yan soluk ya anak a laki.

Deuteronomio 15:19

“Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.