Saray Bilang 16:22 - Maung A Balita Biblia

²² Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Maung a Balita Biblia

²² Balet di Moises tan Aaron dinmakmomo ra ya anggad dalin tan kuanda, O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?

Saray Bilang 16:22 Iomraidhean Croise

Genesis 18:32

Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

Say Libro nen Job 12:10

Say Dios so mangiwawanwan ed bilay na saray pinalsa to; walad lima to so bilay na balang too.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Jeremias 32:27

“Siak so Katawan, say Dios na amin a katoowan. Anggapoy antokaman a mairap ed siak.

Jeremias 38:16

Kanyan diad maamut insipan nen Ari Sedekias ed siak, “Sambaan kod mabilay a Katawan a mangiiter ed sikatayoy bilay, ya ag ta ka papatey odino ipalimad saray totoon malabay a mamatey ed sika.”

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Saray Bilang 14:5

Insan si Moises tan si Aaron dinmakmomo ra ya anggad dalin diad arap na amin a totoo.

Saray Bilang 16:23

Say Katawan kuantod kinen Moises,

Saray Bilang 16:4

Nen nadngel ya nen Moises, intiblak tod dalin so laman to tan nampikasi.

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Saray Bilang 27:16

“Katawan a Dios, a panlalapwan na amin a bilay, pikasik ed sika a manoro ka na sakey a lakin nayarian ton iwanwan iray totoo

Saray Taga Roma 5:18

Kanyan no say sakey a kasalanan et nambungay pakadusa na amin a katoowan, ontan met a samay sakey a gawan matonung paandien toy kasalanay amin a katoowan tan itdan to ray bilay.

1 CORINTO 13:7

Say aro et ag balut onsuko, tan ag balut naandian na pananisia, ilalo, tan anos.

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!

Josue 22:18

Ag yo la labay ya onuren natan? No onsumlang kayo natan ed Katawan, pampasnukan to ray Israelita ed anggan arapen a panaon.