Saray Bilang 15:39 - Maung A Balita Biblia

³⁹ Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Maung a Balita Biblia

³⁹ Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Saray Bilang 15:39 Iomraidhean Croise

1 Saray Arari 12:33

Diad kumalabinliman agew na kumawalon bulan, say agew a sikaton diliy angigana, linmad Betel, ta mansilibra onung na imbaga ton gawaen na saray totood Israel, diad panamegley na pambagat tod tapew na altar.

Say Libro nen Job 31:7

No sinmian ak ed maptek a dalan, odino naayat ak ed kaogsan, no amansaan so limak na kasalanan,

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Probirbio 28:26

Inkakulang-kulang so panmatalek ed dilin pakatalus mo. Arawian moy kaatapan, tan tombuk mo ray bangat na saray totoon lalon makabat.

Probirbio 3:1

Anak ko, ag mo lilingwanan so ibabangat kod sika. Nunot mo lawas iray ganggan kod sika.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Jeremias 9:14

Anawet so olo ra, kanyan inonur day labay dan dili. Inggalang da ray talintao nen Baal onung na imbangat na saray lalaki ra a gawaen da.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.