Saray Bilang 15:35 - Maung A Balita Biblia

³⁵ Insan say Katawan kuantod kinen Moises, “Satan a too et nepeg a pateyen; tupaken na amin a totoo diad paway na kampo.”

Maung a Balita Biblia

³⁵ Insan say Katawan kuantod kinen Moises, Satan a too et nepeg a pateyen; tupaken na amin a totoo diad paway na kampo.

Saray Bilang 15:35 Iomraidhean Croise

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Levitico 20:27

“Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

Levitico 24:23

Nen nibaga la ya nen Moises ed saray totood Israel, impaway dad kampo may laki tan tinupak da ya anggad inatey. Diad onya saray totood Israel ginawa ra so ingganggan na Katawan ed kinen Moises.

Saray Bilang 15:36

Kanyan amin a katoowan impaway dad kampo imay too tan tinupak da ya anggad ag to impatey, onung na ingganggan na Katawan.

Lucas 4:29

Inmalagey ira, insan da impaway ed siudad. Inyakar dad toktok na nipalandey a pasen ya angipaalageyan na siudad da, insan da ipepelag.

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.