Saray Bilang 15:30 - Maung A Balita Biblia

³⁰ Balet siopamay gagalaen toy mankasalanan, nianak man ya Israelita odino sakey a sangkaili, ludlureyen toy Katawan tan nepeg a pateyen,

Maung a Balita Biblia

³⁰ Balet siopamay gagalaen toy mankasalanan, nianak man ya Israelita odino sakey a sangkaili, ludlureyen toy Katawan tan nepeg a pateyen,

Saray Bilang 15:30 Iomraidhean Croise

Genesis 17:14

Siopamay lakin ag asegat et ag la nibilang a kabyangan na saray totook, ta ag to tinoor so impisipanan ko.”

Say Libro nen Job 38:15

Maliwliwawan tuloy so liwaway agew ed saray totoon maoges, kanyan patotondaen to ran manggaway kaogsan.

Saray Salmo 19:13

Iyarawi mo ak pa met ed saray ginagalan kasalanan; ag mo pa iyaabuloy ya oleyan da ak. Diad ontan magmaliw ak ya anggapoy pakatetelan, tan akaliktar ak lad kaogsay kasalanan.

Saray Salmo 69:9

Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 74:22

Talindeg ka pa, O Dios, tan iyagel moy katonungan mo! Nunot mo a saray totoon anggapoy Dios et babalawen da ka lawas.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Exodo 30:33

Siopamay toon mangalig na inkagawa to odino mangikanad siopaman ya aliwan pari, sikatoy ag la nibilang a sakey ed saray totook.’”

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Ezekiel 20:27

“Natan sirin, sika a toon ompatey, salitam ed saray Israelita so ibabagak ed sikara, siak a Katawan a Dios. Wala niy sakey a ginawa da ray lalaki ra ya impamabaing ed siak diad panamegley na impantraidor dad siak.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Levitico 20:3

No walad sikayoy mangiter ed Moloc na sakey ed saray anak to tan dotakan toy masanton Tuldak tan ipelag ton kababaingan so masanton ngaran ko, sumpaen ko tan ag ko la ibilang a sakey ed saray totook.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Saray Bilang 15:29

Sayan totontonen et onkana ed siopaman a makapanggawa na ag to ginagalan kasalanan, nianak man ya Israelita odino sakey a sangkailin manaayam ed kawalaan na saray Israelita.

Saray Bilang 9:13

Siopamay aliwan marotak onung ed ganggan tan ag mambiabiahi balet et ag to silibraan so Paskua, naekal lan kabyangan na saray totook, lapud ag to insaklang ed siak so bagat diad nigetar a panaon. Nepeg a nadusa lapud kasalanan to.

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

Deuteronomio 1:43

Imbagak ed sikayo so impaibaga na Katawan, balet ag yo dinengel. Sinmumlang kayod sikato, tan mamaung kayon amaarap ed kapokdulan a dalin.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

Saray Hebreo 10:26

No kasumpal tin naamtaay katwaan et gagalaen tayo niy mankasalanan, anggapo lay bagat a makapaandid saray kasalanan tayo.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan?” Balet ag ira dinmengel ed ama ra, ta ginetma la na Katawan a pateyen to ra.

1 Samuel 3:14

Kanyan sinambaan kod pamilya nen Eli ya anggapoy bagat o saklang a makaekal ed dusa na sayan kaogsan a ginawa na pamilya nen Eli.”