Saray Bilang 15:3 - Maung A Balita Biblia

³ Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Maung a Balita Biblia

³ Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Saray Bilang 15:3 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Esdras 7:17

“Apiger mon isaliw yan kuarta na saray bakan kalakyan, saray karniron kalakyan, saray kordiro, say trigo, tan say alak. Isaklang mo ra ed tapew na altar ed Timplod Jerusalem.

Saray Salmo 54:6

Katawan, sililiket ak a mangibagat ed sika; pisalamatan ta ka lapud kamaungan mo.

Exodo 29:18

Poolan mod tapew na altar so intiron karniro a sakey a bagat a popoolan. Makapaliket ed siak so balingit na sayan bagat.

Exodo 29:25

“Insan mo ra alaen ed sikara tan poolan mo ra ed tapew na altar diad tapew na samay bagat a popoolan; tan sikato yay kakanen a bagat ed siak. Makapaliket ed siak so balingit na sayan bagat.

Exodo 29:41

Ibagat yod labi so kumadwan kordiro, tan tekepan yo na singa karakel na arina, larak na oliba, tan alak a singa samay bagat ed kabwasan. Saya so kakanen a bagat ed siak a Katawan, tan makapaliket ed siak so balingit to.

Levitico 10:13

Akan yod sakey a masanton pasen; sikato ya so betang yo tan saray lalakin anak yo ed bagat a popoolan ed Katawan. Sikato ya so ingganggan ed siak na Katawan.

Levitico 27:2

iray onggendan a totontonen a tombuken na saray totood Israel. No say sakey a too et niiter ed Katawan diad panumpal ed sakey a nidoma-doman sipan, satan a too nayarin narondon diad pambayar na saray onggendan a karakel na kuarta,

Levitico 7:16

No say sakey a too et mangyakar na bagat a para kareenan, a panumpal tod sipan to odino pangibagat tod mabulos a linawa, aliwan amin et nepeg a kanen diad agew ya impangibagat, no ag ingen say nakeraan nayarin kanen ed ontombuk ya agew.

Saray Bilang 28:27

Mangisaklang kayo na bagat a popoolan a say balingit to et makapaliket ed Katawan: duaran kilaw a bakan kalakyan, sakey a karniron kalakyan, tan pitoran sakey taon a kordiron kalakyan; nepeg ya anggapoy deral na laman da.

Saray Bilang 29:8

Mangisaklang kayod Katawan na bagat a popoolan a say balingit to et makapaliket ed sikato: sakey a kilaw na bakan kalakyan, sakey a karniron kalakyan tan pitoran sakey taon a kordiron kalakyan; nepeg ya anggapoy deral na laman da.

Saray Bilang 6:15

Mangibagat met na sanbaskit a tinapay ya anggapoy libadura: saray makapal a tinapay ya agawa rad arinan inkames ed larak na oliba tan saray maimpis a tinapay a pinoranisan na larak na oliba. Mangisaklang met ni na saray bagat a trigo tan alak.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

2 CORINTO 2:15

Ta singa kami mansamyong a pabalingit ya isasaklang nen Cristo ed Dios, tan nasosongap na saray nilalaban tan saray nababalang.

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:17

Ag yo kakanen ed pasen a panayaman yo so dinan man ya ibagat yod Katawan: saray kakaplo na trigo yo, say alak yo, odino say larak na oliba yo, odino saray besag ya anak na saray baka tan saray karniro yo, saray rigalon isipan yon iter ed Katawan, saray bagat yon manlapud mabolus a linawa, odino saray arum a bagat.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.