Saray Bilang 15:24 - Maung A Balita Biblia

²⁴ et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Maung a Balita Biblia

²⁴ et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Saray Bilang 15:24 Iomraidhean Croise

Esdras 6:17

Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.

Esdras 8:35

Amin a pinmawil a nanlapud arum a bansan nibantakan da et angisaklang irad Dios na Israel na saray bagat a popoolan. Angibagat ira na labinduan bakan kalakyan para amin ya Israelita, anemaplo tan siam a karniron kalakyan, pitomplo tan piton kordiro; angibagat met ira na labinduan kanding pian napaandi ray kasalanan da. Amin da ra ya et bagat a popoolan ed Katawan.

Levitico 23:19

Ontan met say sakey a kanding a kalakyan isaklang yon bagat a para kasalanan tan say duaran sakey taon a kordiro kalakyan isaklang yon bagat a para kareenan.

Levitico 4:2

ya ibaga tod saray Israelita a siopaman ed sikara so ag to ginagalay nankasalanan ta asumlang toy anggan dinan ed saray ganggan na Katawan, et nepeg a sumpalen to ray onggendan a totontonen.

Levitico 4:22

No say manoley so nankasalanan ta asumlang ton ag ginagala so sakey ed saray ganggan na Katawan,

Levitico 4:23

tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Levitico 5:15

No say sakey a too et nankasalanan ya ag to ginagala lapud ag to impangiter na saray babayaran a masantod Katawan, nepeg a mangyakar na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario.

Levitico 5:18

Nepeg a mangyakar ed pari na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario. Say pari isaklang to so bagat a pangekal na ag ginagalan kasalanan to yan too, et napirdona yan too.

Saray Bilang 15:23

tan no bilang ta diad arapen a panaon saray amin ya Israelita et ag ira ononur ed amin ya ingganggan na Katawan diad panamegley nen Moises,

Saray Bilang 15:26

Napirdona iray amin ya Israelita tan amin da ray sangkailin manaayam ed kawalaan da, lapud walay pibibiang na balang sakey ed sikara ed samay agawan lingo.

Saray Bilang 28:15

Mangisaklang kayo na sakey a kanding a kalakyan ya ibagat a para kasalanan a sikatoy kaaruman na inagew-agew a bagat a popoolan a katekep toy bagat ya alak.