Saray Bilang 14:34 - Maung A Balita Biblia

³⁴ Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Maung a Balita Biblia

³⁴ Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Saray Bilang 14:34 Iomraidhean Croise

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Saray Salmo 105:42

Anunotan toy masanton sipan to ed kinen Abraham ya aripen to.

Saray Salmo 38:4

Onlelereg ak ed karakel na kasalanan ko; nadedetdetan ak lapud ontan lay belat da.

Saray Salmo 77:8

Tinmonda la kasin mangarod sikatayo? Anggapo la kasiy kana na sipan to?

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Ezekiel 14:10

Namparay dusan niiter ed propita tan say angipanon ed sikato.

Ezekiel 23:35

Natan sikato ya so ibabaga na Katawan a Dios: “Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.”

Ezekiel 4:6

No nasumpal mo ya, pigar kad nikawanan a diking mo tan manlikna kay kairapan lapud kasalanan na Juda diad loob na apataploy taon—sanagew para kapag sakey taon a dusa ra.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Levitico 20:19

No say sakey a laki et miakdul ed panginaen to, nepeg ya akoen day dusa lapud maoges a tuloy so ginawa ra.

Zacarias 11:10

Insan ko inala may bastun a tatawagen na “Panangasi” tan pinoter ko a pamaandik ed impisipanan na Katawan ed amin da ray bansa.

Saray Bilang 13:25

Kayarin ninengneng na saramay ispia imay dalin ed loob na apataplon agew, pinmawil ira

Saray Bilang 18:23

Manlapud natan saray Levita labat so manasikaso ed Tulda; sikaray makaoley ed saya tan ebatan day amin a nagawad man. Sayan totontonen et nepeg ya onuren lawas na saray kabyangay boleg yo. Saray Levita et anggapoy mansiansian kayaryan da ed Israel,

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Saray Gawgawa 13:18

tan inanosan to rad kalawakan ya apataploy taon.

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Josue 14:10

Balet natan, nengneng mo. Apataplo tan limay taon la so linmabas nanlapu lad samay panaon na impangibagay Katawan na sayan sipan ed kinen Moises. Agawa ya nen ombebeltang ed kalawakan so Israel, et say Katawan pambibilayen to ak ni ya anggad natan, onung na insipan to. Nengneng mo ak! Walomplo tan limay taon ko la

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.