Saray Bilang 14:33 - Maung A Balita Biblia

³³ Apataploy taon a manakar-akar ed kalawakan iray anak yo, manirap ira lapud aliwa kayon matoor ed siak; manakar-akar ira ya anggad ompatey so kaonuran a mabilay ed sikayo.

Maung a Balita Biblia

³³ Apataploy taon a manakar-akar ed kalawakan iray anak yo, manirap ira lapud aliwa kayon matoor ed siak; manakar-akar ira ya anggad ompatey so kaonuran a mabilay ed sikayo.

Saray Bilang 14:33 Iomraidhean Croise

Saray Salmo 107:4

Saray arum nanakar-akar irad anggapoy basbas a kalawakan, tan ag da narumog so dalan a mamaarap ed sakey a siudad a panayaman da.

Saray Salmo 107:40

pinabaingan to ray mamapairap ed sikara, tan impanakar-akar to rad kalawakan ya anggapoy basbas.

Saray Salmo 78:33

Kanyan singa ingas so impamaandipat tod saray agew da, tan makapataktakot so impamasamput tod saray bilay da.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Ezekiel 23:35

Natan sikato ya so ibabaga na Katawan a Dios: “Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.”

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Saray Bilang 33:38

Lapud ganggan na Katawan, kinalab nen Aaron a pari so Palandey na Hor. Inatey diman a mantaon na sanlasus tan duamplo tan talo nen ononan agew na kumaliman bulan na kumaapataplon taon kayariy intaynan na saray Israelita manlapud Egipto.

Saray Bilang 5:31

Anggapoy kasalanan na asawan laki, balet no nankasalanan imay bii, nepeg a nadusa.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.

Deuteronomio 2:14

Talomplo tan walo tan taon ed saman so linmabas kayariy intaynan tayo manlapud Cades-barnea. Inaatey lan amin iray lalakin bumabakal ed saman a kailalakan, onung na imbaga na Katawan a pansumpalan da.

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Deuteronomio 29:5

Say Katawan inwanwan to kayod a kalawakan et ag balut dinmaan iray kawes tan saray sandalya yo.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 8:4

Legan na saman ya apataploy taon ag balut dinmaan so kawes yo, ni alanukan iray sali yo.

Josue 14:10

Balet natan, nengneng mo. Apataplo tan limay taon la so linmabas nanlapu lad samay panaon na impangibagay Katawan na sayan sipan ed kinen Moises. Agawa ya nen ombebeltang ed kalawakan so Israel, et say Katawan pambibilayen to ak ni ya anggad natan, onung na insipan to. Nengneng mo ak! Walomplo tan limay taon ko la