Saray Bilang 14:2 - Maung A Balita Biblia

² Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Maung a Balita Biblia

² Nanriklamo ra sumpad kindi Moises tan Aaron a kuanda, Magmaung ni komun no inaatey itayo lad mad Egipto odino diad kalawakan!

Saray Bilang 14:2 Iomraidhean Croise

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Say Libro nen Job 3:11

Inatey ak la komun ed dalem na eges nen inak odino diad samay bektan nianak ak.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Saray Salmo 106:25

Ngorongoro rad dalem na saray tulda ra, tan ag ira dinmengel ed Katawan.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 15:24

Nanriklamod kinen Moises iray totoo tan tinepet da, “Antoy inomen tayo?”

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Jonas 4:3

Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.”

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Saray Bilang 11:5

Nen saman dimad Egipto sawaan so impapangan tayon sira, tan ag tayon balut ira nanggasgastosan. Nanunotan yo ni ra may pipino, pakuan, kutsay, sibuyas, tan bawang a kinakakan tayo?

Saray Bilang 14:1

Sanlabin nanakis ed kaermenan iray totoo.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:41

Diad ontombuk ya agew amin ya Israelita nanriklamo ra sumpad kindi Moises tan Aaron tan kuanda, “Pinatey yo ray arum a totoo na Katawan.”

Saray Bilang 17:6

Kanyan akisalitay Moises ed saray Israelita, et angiter ed sikato na baston na balang sakey ed saray pangulo ra, sakey so para balang tribu, labinduan amin, tan akilaok so baston nen Aaron.

Saray Bilang 20:2

Anggapoy danum dimad nankampoan da, kanyan minokut day Moises tan Aaron

Saray Bilang 20:3

tan nanriklamo ra: “Maung ni komun ya inaatey kamid man ed arap na Tulday Katawan a kaiba mi ray kadalaan min arum ya Israelita.

Saray Bilang 20:4

Akin et inyakar yo kami diad sayan kalawakan? Labay yo ya ompatey kami dia tan saray ayayep mi?

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

Deuteronomio 1:27

Nanngoro-ngoro kayo tan inkuanyod sakey tan sakey, ‘Kabosul itayo na Katawan. Impaway to itayod Egipto ta ipalima to itayod saray Amorreo, et diad ontan napatey da itayo.

Deuteronomio 9:23

Et nen imbaki to kayon manlapud Cades-barnea kayari to kayon binilin a mangayaryan ed dalin ya iter tod sikayo, sinmumlang kayod sikato; ag kayo nanmatalek odino inmonur ed sikato.

Saray Hebreo 3:16

Siopa ray akadngel ed Dios et nilabanan da? Aliwa kasin amin da ray impaway nen Moises ed Egipto?

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.